शिक्षकहरुलाई एकै किसिमको परिचयपत्र दिने बारे शिक्षा मन्त्रालय सकारात्मक

काठमाडौंः सार्वजनिक विद्यालयमा कार्यरत शिक्षक तथा विद्यालय कर्मचारीलाई एकै किसिमको परीचयपत्र दिने बारे शिक्षा विज्ञान तथा प्रविधि मन्त्रालयमा प्रारम्भिक छलफल भएको छ ।

सेवाको हिसावले शिक्षकहरु पनि राष्ट्रसेवक भएको र शिक्षकहरुलाई राज्यले एकै किसिमको परीचयपत्र दिन आवश्यक रहेको भन्दै मन्त्रालयमा प्रारम्भिक छलफल भएको हो ।

यस विषयमा शिक्षा विज्ञान तथा प्रविधि मन्त्रालय सकरात्मक रहेको स्रोतले जनाएको छ । स्रोतका अनुसार प्रारम्भिक छलफल भएको र एकै किसिमको परीचयपत्र कुन मापदण्डका आधारमा वितरण गर्ने भन्ने बारे छलफल भएको जनाएको छ । साथै एक दुई दिनमा वैठक बसेर यसलाई कसरी व्यावस्थित गर्ने र वितरण प्रक्रिया कसरी अगाडि बढाउने भन्ने विषयमा छलफल गरिने मन्त्रालय स्रोतले जानकारी दिएको छ ।

तनहुँ रत्न माध्यमिक विद्यालयका प्रधानाध्यापक रमेशबाबु भट्टराईले यस विषयमा मन्त्रालयमा कुरा उठाइरहेको र शिक्षा मन्त्रालयले सकरात्मक रहेको बताउनु भयो । भन्नु भयो “अहिले सम्म राज्यले शिक्षकहरुलाई परीचयपत्र दिएको छैन, राज्यकै शिक्षकहरुलाई एकै किसिमको परीचयपत्र दिनु अनिवार्य छ ।” खबर एजुकेशन