ह्वाट्सएपमा सेन्डरले थाहा नपाउने गरी यसरी पढ्नुहोस् म्यासेज

काठमाडौंः आजभोलि मानिसहरू फोनमा भन्दा बढी म्यासेजमा कुरा गर्न ​​​​​​​ रुचाउँछन् । कहिले काहिँ त फोन र म्यासेज दुवैमा कुरा गर्न मन पनि लाग्दैन ।

यस्तो समयमा तपाईं सेन्डरले के म्यासेज पठायो होला भन्ने थाहा पाएर मात्र कुराकानी अगाडि बढाउन पनि सक्नुहुन्छ । जसले गर्दा सेन्डरले तपाईंले म्यासेज हेरेर पनि रिप्लाई गरेन भन्ने सोच्दैन ।

यसका लागि तपाईंले सजिलै ‘रिड रेसिपेन्ट्स’ भन्ने अप्सन बन्द गर्न सक्नुहुन्छ । तर, यो दुवैतिर लागू हुने भएका कारण तपाईंले म्यासेज पठाउँदा पनि अर्को व्यक्तिले तपाईंको म्यासेज हेरेको हो वा होइन भन्ने चाहिँ थाहा हुँदैन ।

यसका लागि तपाईंले आफ्नो ह्वाट्सएप ‘अन’ गर्नुहोस् । स्क्रिनको दाहिनेपट्टि भएको तीनवटा थोप्लामा क्लिक गर्नुहोस् र सेटिङमा जानुहोस् । त्यहाँ अकाउन्ट भन्ने अप्सनमा गएर प्राइभेसीमा क्लिक गर्नुहोस् । प्राइभेसी अप्सनभित्र तपाईंले ‘रिड रेसिपेन्टस्’ अप्सनलाई ‘अन’ गरिदिनुहोस् ।

यसपछि तपाईंले कसैको म्यासेज पढ्नुभएको छ भने पनि तपाईंलाई म्यासेज पठाउने मान्छेको च्याटबक्समा seen अथवा निलो मार्क देखाउँदैन ।

त्यस्तो अर्को उपाय भनेको सोही प्राइभेसी अप्सनभित्र last seen भन्ने अप्सन हुन्छ । त्यहाँ गएर तपाईंले आफ्नो पछिल्लो म्यासेज seen कतिबेला भएको थियो भनेर लुकाउन सक्नुहुन्छ ।

यसका लागि प्राइभेसीमा गएर last seen अप्सनमा गएपछि तपाईंले छान्न पाउनुहुन्छ सबैले देख्न मिल्ने, तपाईंको कन्ट्याक्टमा भएका मान्छेहरूले मात्र हेर्न मिल्ने वा कसैले पनि हेर्न नमिल्ने ।

कहिले काहिँ हामी म्यासेज हेर्ने बित्तिकै रिप्लाई गर्न पाउँदैनौँ । यसले गर्दा कहिले काहिँ पढिसकेको म्यासेज रिप्लाई गर्नका लागि छुटिरहेको हुन्छ । यसो नहुनको लागि हामी म्यासेज unread गर्न सक्छौं, ताकि केही समयपछि तपाईंले ह्वाट्सएप खोल्दा सो म्यासेज अनरिड भनेर देखा पर्नेछ ।

यसको लागि आफ्नो ह्वाट्सएपमा भएको म्यासेजमा लामो समयसम्म होल्ड गर्नुहोस् र दाहिनेपट्टि आउने तीनवटा थोप्लामा क्लिक गर्नुहोस् । त्यहाँ भएको ‘mark as unread’ अप्सनमा क्लिक गर्नुहोस् । तर यो अप्सनमा भने सेन्डरले तपाईंले म्यासेज हेरिसक्नु भएको छ भनेर चाहिँ थाहा पाउनेछन् । – टेकपाना