काठमाडौंः राष्ट्रिय परीक्षा बोर्डले एसईइ परीक्षाको सबै अधिकार प्रदेशलाई दिने भएको छ । बोर्डले एसईइ परीक्षाको सबै अधिकार प्रदेशलाइ हस्तान्तरण गर्ने प्रस्ताव अगाडि सारेको छ ।
विहिबार शिक्षा पत्रकार सञ्जाल (इजोन)ले आयोजना गरेको अन्तरक्रिया कार्यक्रमा बोल्दै राष्ट्रिय परीक्षा बोर्डका अध्यक्ष डा. महाश्रम शर्माले परीक्षाको सबै अधिकार प्रदेशस्तरलाई दिने गरी प्रस्ताव मन्त्रिपरिषद्मा लगिएको जनाए ।
उनले प्रस्ताव स्वीकृत भएमा प्रश्नपत्र तयारीदेखि नतिजा प्रकाशनसम्मको जिम्मेवारी प्रदेश शिक्षा निर्देशनालयलाई हस्तान्तरण हुने बताए । साथै जुन प्रदेशले छिटो उत्तरपुस्तिका परीक्षणको काम सक्छ उसले पहिले नतिजा सार्वजनिक गर्न सक्नेछ । प्रदेशले नतिजा सार्वजनिक गरेपछि त्यसलाई बोर्डमा पठाउनुपर्ने हुन्छ र बोर्डले नतिजालाई प्रमाणीकरण गर्ने बताए । खबर एजुकेशन
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया