कार्तिक ३०, २०८३ सोमबार November 16, 2026

हुम्लाको स्याँडा गाउँमा मनाइयो चोख्या पर्व

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः हुम्लामा चोख्या पर्वलाई परम्परागत रुपमा मनाइँदै आएको छ । व्याँसी समुदायले सिमकोट गाउँपालिका–८ स्याँडामा चोख्या मेला धुमधामका साथ मनाइएका छन् ।

स्याँडा र पाल्सका स्थानीयवासीले विशेष पर्वका रुपमा हरेक वर्ष झैँ यस वर्ष पनि विशेष रुपमा मनाएको सिमकोट गाउँपालिका–८ स्याँडाका अध्यक्ष कमल बुढाले बताउनुभयो ।

वडाध्यक्ष बुढाका अनुसार परम्परागत धार्मिक संस्कारअनुसार घरका कुल देवता कुतिहिल्सो देवताको पूजाआजा गरी स्याँडा गाउँभन्दा माथिको चोख्या चउरमा यो पर्व मनाइयो । स्याँडा गाउँका स्थानीयले परापूर्वदेखि नै चोख्या पर्व मनाउँदै आएको स्थानीय बताउँछन् । स्याँडामा हिल्सो देवताको मन्दिरमा पूजाआजा गरी वर्षभरिका लागि भाकलको छिनोफानो गर्ने, धार्मिक झाँक्री नचाउने, देउडा खेल खेल्न चलन छ ।

मेला हेर्नका लागि स्याँडा र आसपासका स्थानीय बासिन्दा स्याँडामा जम्मा हुने गर्छन् । घरबाट पकाएर लिएको मिष्ठान भोजन आफन्तसँग बसेर खाने दिनभर रमाइलो गरी बेलुका घर फर्किने गरेको स्थानीय नुर्बु बुढाको भनाइ छ ।

चोख्या पर्वको बेला बाहिरबाट चोख्या हेर्न आउने पाहुनालाई बोलाई बोलाइ पाहुनाको स्वागत गर्नु मुख्य विशेषता हो । चोख्यालाई परम्परागत रुपमा मनाउँदै आएका हुम्लाको सिमकोट गाउँपालिका–८ स्याँडामा चोख्या मेला धुमधामका साथ मनाइएको छ ।

देउडा पारखीले रातदिनभर देउडा खेल खेल्ने चलन पनि रहेको छ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
डा. अमरेश सिंहलाई वीरेन्द्र सिंहको कटाक्ष : ‘क्षेत्र नम्बर ४ बाट बहिष्कार गरौँ’
२०८३ कार्तिक २९, आइतबार
देवीस्थानमा लुकाएर राखिएका चार थान भरुवा बन्दुक प्रहरीको नियन्त्रणमा
२०८३ कार्तिक २९, आइतबार
‘बाः एक योद्धा’ले मनायो प्रदर्शनको ५१औँ दिन, ३ करोड ५६ लाखभन्दा बढी ग्रस कलेक्सन
२०८३ कार्तिक २९, आइतबार
कुशल–युवराजको कीर्तिमानी साझेदारी, पोखराले काठमाडौंलाई ५५ रनले हरायो
२०८३ कार्तिक २९, आइतबार
सुक्खा पहिरोका कारण कालीगण्डकी करिडोर सडक पुनः अवरुद्ध
२०८३ कार्तिक २९, आइतबार
जलवायु अनुकूलनका लागि ‘राष्ट्रिय पाठ्यक्रम प्रारूप’ परिमार्जन गर्दैछौं : शिक्षामन्त्री पोखरेल
२०८३ कार्तिक २९, आइतबार
कर्मवादमार्फत देशलाई समृद्धिको बाटोमा लैजानुपर्छ : अध्यक्ष दाहाल
२०८३ कार्तिक २९, आइतबार