बैसाख १८, २०८३ शुक्रबार
May 1, 2026
न्युज डेस्क
२०७६ फागुण १३, मंगलबार
काठमाडौं । पोखराको फेवातालमा सोमबार दिउसो डुंगा पल्टदाँ एकजना वेपत्ता भएका छन् भने अन्य २ जनाको सकुशल उद्दार गरिएको छ।
हराउनेमा काठमाडौं–१०, कपन बस्ने २७ वर्षीय सुमित भन्ने रामशरण लुइँटेल रहेका छन्।
डुंगामा रहेका सोही ठाउँका ३७ वर्षीय सुविन चालिसे र २८ वर्षीय रुपेश अधिकारीको भने त्यहाँ रहेको सशस्त्र प्रहरीको उद्धार टोली र हल्लनचोकमा रहेको कन्ट्रोल रुम भेइकलको टिमले उद्धार गरेको हो ।
उनीहरु दिउसो आफैले डुंगा चलाएर फेवाताल घुम्न निस्केका थिए।
दिउसो उनीहरु चढेको डुंगामा एकाएक पानी भरिएपछि डुंगा पल्टेको थियो। उनीहरुले फेवातालको सिरानतिर पर्ने खपौँदीबाट डुंगा लिएर फेवातालमा निस्केको जिल्ला प्रहरी कार्यालय कास्कीका डिएसपी राजकुमार केसीले जानकारी दिएका छन। हराएकाको खोजी भइरहेको उनले जनाएका छन।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया