काठमाण्डौंः आगामी केही वर्षमा सन्तान जन्माउनका लागि शारीरिक सम्पर्क अर्थात सेक्स आवश्यक नपर्ने भएको छ।
‘डिजाइनर बेबी’ अवधारणा आएपछि सन्तान जन्माउन यौन सम्पर्क आवश्यक नपर्ने भएको हो । साथै सन्तान चाहनेहरुले धेरै विचार गरेर आफ्नो खुसीले भ्रुण चयन गर्ने सक्ने छन् ।
स्टैनफर्ड युनिभर्सिटीका प्रोफेसर ग्रनलीले आफ्नो पुस्तक ‘द एन्ड अफ सेक्स एन्ड फ्युचर अफ रिप्रोटक्सन’ मा यसप्रकारको दावी गरेका हुन् ।
उनले आफ्नो पुस्तकमा २० देखि ४० वर्षपछि कुनै पनि जोडीलाई बच्चा आवश्यक भए पुरुषको स्पर्म स्याम्पल र महिलाको स्किन स्याम्पल लिए पुग्ने उल्लेख गरेका छन्।
स्किन स्याम्पलको सहयोगमा स्टेम सेल बनाइनेछ र त्यसलाई स्पर्मका साथ फर्टिलाइज गरिनेछ । फलस्वरुप सन्तान चाहने जोडीहरुले भ्रुणका कयौ स्याम्पल पाउनेछन् ।
जाँचपछि जोडीहरुले जुन चाह्यो त्यही अपनाउन सक्नेछन् । जाँचअन्तर्गत कयौ कुरा पहिला नै थाहा हुनेछ । जस्तो कि स्याम्पल स्वस्थ छ या छैन, कुनै विशेष रोगबाट पीडित छ वा छैन ।
प्रोफेसर ग्रीनलीले बच्चाको बौद्धिस्तर पहिला नै पत्ता लगाउन सकिने विषयमा अहिलेसम्म थोरै संशय रहेको बताए । तर, उनका अनुसार चाँडै नै यो दिशमामा पनि विकास गरिनेछ। – एजेन्सीको सहयोगमा
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया