असोज १५, २०८३ बिहिबार
October 1, 2026
न्युज डेस्क
२०७६ चैत्र २७, बिहिबार
काठमाडौं । स्वास्थ्य तथा जनसङ्ख्या मन्त्रालयले अहिलेसम्म नेपालमा जम्मा २ हजार आठ सय ९५ जनामा कोरोना भाइरसको परीक्षण भएको जनाएको छ।
कोभिड–१९ रोकथामका लागि भइरहेका प्रयासबारे बिहीबार जानकारी दिँदै स्वास्थ्य मन्त्रालयका प्रवक्ता डा. विकास देवकोटाले २ हजार ३ सय ५२ जनाको राष्ट्रिय जन स्वास्थ्य प्रयोगशाला टेकुमा परिक्षण भएको र ५ सय १३ जनाको उपत्यका बाहिर परीक्षण भएको बताएका हुन्।
उनले कैलाली र कञ्चनपुरबाट संकलन गरिएको ६६ वटा नमूना परीक्षण गर्दा कोरोना भाइरस संक्रमण रिपोर्ट नेगेटिभ आएको बताएका छन।
राष्ट्रिय जन स्वास्थ्य प्रयोगशाला टेकुमा ६६ वटा नमुनाको परीक्षण सकिएको र सबैको रिपोर्ट नेगेटिभ आएको डा.देवकोटाले जानकारी दिएका छन। काठमाडौँ उपत्यकामा क्वारेन्टाइनमा रहेकाहरुको पनि संक्रमण भए नभएको परीक्षण गर्ने तयारी भइरहेको उनले बताएका छन।
यस्तै उनले हालसम्म नेपालमा ७ हजार ९ सय ४० जना क्वारेन्टाइनमा रहेको जानकारी दिएका छन। त्यसमध्ये काठमाडौमा १८ जना र उपत्यका बाहिर ९९ जना रहेका छन्। यस्तै उनले बिहीबारबाट सांकेतिक भाषामा अपडेट गर्ने पनि जानकारी दिएका छन।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया