मंग्सिर ५, २०८३ शनिबार November 21, 2026

सहिद स्मारक ’ए’ डिभिजन लिग – मनाङले फ्रेन्ड्स क्लबलाई २-० गोल अन्तरले हरायो

मनाङ अङ्क तालिकाको शीर्ष स्थानमा उक्लियो

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः शहिद स्मारक ’ए’ डिभिजन लिग फुटबलमा मनाङ मर्स्याङ्दी क्लबले सहज जित निकालेको छ ।

च्यासल मैदानमा आज मनाङले फ्रेन्ड्स क्लबलाई २–० गोल अन्तरले हराएको हो ।

मनाङको जितमा कोफी टिमोथी कुदोले दुई गोल गरे । खेलको ३४ औँ मिनेटमा कोफीले गोल गर्दै मनाङलाई सुरुआती अग्रता दिलाएका थिए । त्यसपछि खेलको ५२ औँ मिनेटमा कोफीले व्यक्तिगत दोस्रो गोल गर्दै मनाङलाई २–० को जित दिलाए ।

जितसँगै मनाङ अङ्क तालिकाको शीर्ष स्थानमा उक्लिएको छ  । अपराजित मनाङको यो चौथो जित हो ।

मनाङले ६ खेलमा १४ अङ्क जोडेको छ । फ्रेन्ड्स ४ अङ्क जोडेर १२ औँ स्थानमा रहेको छ । अर्को खेलमा जवालाखेल यूथ क्लब र एफसी खुमलटारले बराबरी खेल्दै अङ्क बाडेका छन् ।

त्यस्तै, एन्फा कम्प्लेक्समा भएको खेलमा जावलाखेल र खुमलटारले २–२ गोलको रोमाञ्चक बराबरी खेलेका छन् ।

खेलको ३२ औँ मिनेटमा एनकोटो मोसाबीले गोल गर्दै जावलाखेललाई सुरुआती अग्रता दिलाएका थिए । तर, ३५ औँ मिनेटमा अविशेक लिम्बुले गोल गर्दै खुमलटारलाई १–१ गोलको बराबरीमा ल्याए । खेलको ६३ औँ मिनेटमा मेसुके ओलुमोउले गोल गर्दा खुमलटार २–१ ले अघि रह्यो । त्यसपछि खेलको ८६ औँ मिनेटमा फोडे फोफानाले गोल गर्दै जावलाखेललाई २–२ गोलको बराबरीमा ल्याए ।

यस बराबरीसँगै जावलाखेलले ७ खेलमा १४ अङ्क जोडेको छ । जावलाखेल दोस्रो स्थानमा रहेको छ । खुमलटार ७ खेलमा ७ अङ्क जोडेर नवौं स्थानमा रहेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार
एन्फा निलम्बन फुकुवाको प्रक्रिया अघि बढ्यो : खेलकुदमन्त्री पोखरेल
२०८३ मंग्सिर ५, शनिबार
चिराइतोको मूल्य घटेपछि किसान चिन्तित
२०८३ मंग्सिर ५, शनिबार
शान्ति प्रक्रियाका बाँकी काम अविलम्ब पूरा गर्न दाहालको आग्रह
२०८३ मंग्सिर ५, शनिबार
मेसी बने मेजर लिग सकरका सर्वाधिक तलब पाउने खेलाडी (सुचीसहित)
२०८३ मंग्सिर ५, शनिबार
नागढुंगा-मुग्लिन सडक आजदेखि पाँच घण्टा बन्द
२०८३ मंग्सिर ५, शनिबार