पाथीभरा माताको दर्शन गर्दै हेर्नुहोस् आजको दैनिक राशिफल

मेष – श्रम गरेअनुसार मूल्य प्राप्त नहुने समय छ । अरूका लागि बुद्धि–विवेक खर्चनुपर्ला । स्वास्थ्य पनि कमजोर रहन सक्छ । मुख्य काममा बाधा हुने र सानातिना काममै अल्झनुपर्दा मनमा खिन्नता बढ्ला । तथापि, तपाईंले गरेको मेहनतले धेरैको विश्वास जित्नेछ । विशिष्ट व्यक्तित्वहरूसँग निकटता बढ्ने योग छ । इष्टमित्रको साथ प्राप्त हुनेछ ।

वृष – यात्रामा विशेष लाभ हुने र प्रयत्न गर्दा मौकाको फाइदा उठाउन सकिने दिन छ । कार्यमा सफलता प्राप्त हुनेछ । रोगबाट छुटकारा मिल्ला । आफ्ना कमजोरीको फाइदा अरूले उठाउन सक्ने समय भएकोले विशेष सचेतना अपनाउनुहोला । आश्वासन बाँड्नेहरूको भर नपर्नु हितकर हुनेछ । सन्तानसुख मिल्नेछ । रसरागमा आकर्षित हुनुहुनेछ ।

मिथुन – कार्यक्षमता वृद्धि हुनेछ । बौद्धिक र रचनात्मक काममा सफलता मिल्नेछ । आम्दानी बढ्ने, आतिथ्यपूर्ण सम्मान मिल्ने र प्रेमको बन्धन कसिने बेला छ । दाम्पत्य जीवन सुखद तथा समृद्ध रहला । प्रतिस्पर्धीहरूले हार खानेछन् । सानो प्रयत्नले पनि राम्रो फाइदा उठाउन सकिने र दिगो फाइदा हुने कामको अवसर जुर्ने योग छ । आशा उत्साह बढ्नेछ ।

कर्कट – दिन उत्साहपूर्ण रहनेछ । आय र आरोग्यता वृद्धि होला । व्यावसायिक यात्राको सम्भावना छ । आजको दिन सवारी साधन उपयोग गर्दा चाहिँ अलिक सावधानी अपनाउनुहोला । यात्रामा धनमाल हराउन सक्ने योग रहेकोले सचेत रहनुहोला । शत्रुमाथि विजय प्राप्त हुनेछ । रसरागमा आकर्षण बढ्नेछ ।

सिंह – चिताएको काम सजिलै सम्पादन हुने योग छ । तथापि, इच्छाशक्ति बढेपनि अस्वस्थताले काममा ढिलासुस्ती हुन सक्छ । प्रयत्न गर्दा विगतका कमजोरीलाई सच्याउन सकिनेछ । पराक्रम वृद्धि हुनेछ । ऋण, रोग र शत्रुमाथि विजय प्राप्त होला । रसरागको भाव वृद्धि हुनेछ ।

कन्या – भाग्यबल वृद्धि हुनेछ । मेहनतजनका लागि उत्साहजनक समय रहनेछ । प्रयत्न गर्दा सजिलै लक्ष्य प्राप्ति होला । प्रतिस्पर्धी परास्त होलान् । सहयोगीहरूले राम्रै साथ दिनेछन् । बाध्यताका काममा जुट्नुपर्ने र केही विवादमा समेत परिने योग रहेकोले सजग रहनुहोला । शत्रुमाथि विजय प्राप्त हुनेछ । मिठो भोजन प्राप्त हुने र रसरागमा आकर्षण बढ्ने दिन छ । सुख बढ्नेछ ।

तुला – दौडधुप बढ्ने समय छ । मुद्दामामिलामा विजयी भइनेछ भने व्यापार तथा उद्योगतर्फ सामान्य फाइदाको योग छ । नयाँ योजना कार्यान्वयनमा ल्याउन निकै मेहनत गर्नुपर्ला । तथापि, काममा उत्साह बढ्नेछ । मान सम्मानप्राप्तिको योग छ । बोली र व्यक्तित्वको प्रभाव बलियो बन्नेछ ।

वृश्चिक – परिस्थिति अलिक प्रतिकूल रहने देखिन्छ । अधिकारका लागि केही संघर्ष हुन सक्छ । प्रतिस्पर्धीहरूले अप्ठ्यारोमा पार्ने प्रयास गर्नेछन् । साझेदारीमा समस्या आउने देखिए पनि आज तपाइले सोचेको काममा सफलता प्राप्त हुने देखिन्छ । प्रेमभाव वृद्धि हुनेछ । कर्ममा सफल साबित हुनुहुनेछ ।

धनु – आरोग्यता र साहस बढ्ने दिन छ । आयआर्जनका स्रोत बढ्नेछन् । विभिन्न भौतिक साधनहरू जुट्नेछन् र प्रशन्नता पनि मिल्नेछ । बाध्यताका काममा अलमलिनुपर्ने योग छ । सन्तानको बारेमा चिन्ता बढ्न सक्छ । रोकिएको काम बन्नेछ । मित्रजनको सहयोग र समर्थन प्राप्त हुनेछ ।

मकर – दिगो फाइदाका लागि लगानी बढाउन सकिनेछ, तर सोचेको लाभ नमिल्न सक्छ । केही अप्ठ्यारा परिस्थितिको सामना गर्नुपर्ला । प्रेम र मित्रताको बन्धन कसिने समय छ । प्रेमभाव बढ्नेछ । मिठो भोजन प्राप्त हुनेछ । आफन्तको साथ मिल्नेछ ।

कुम्भ – व्यस्तता बढ्नेछ । देखापरेको समस्याको समाधान मिल्नेछ । बौद्धिक कार्यबाट धनलाभ हुने दिन छ । अध्ययनमा प्रगति होला । अरूको फाइदाका लागि उपयोग भइएला । शुभचिन्तकहरूले साथ दिनेछन् र विभिन्न अवसर पाइनेछ । यात्रापरक काममा सफलता प्राप्त हुनेछ । वार्तामा सफलता मिल्नेछ ।

मीन – पराक्रम वृद्धि र सफलताको दर बढ्ने समय छ । प्रतिष्ठित काम गर्ने मौका मिल्ला । अरूलाई प्रभावित पारेर दाम, इनाम र प्रतिष्ठा कमाउने बेला छ । सवारी साधनको प्रयोगमा भने आजको दिन विशेष सावधानी अपनाउनु हितकर रहला । सहयोगीहरूको भरपर्दा चिताएको काम नबन्न सक्छ, सजग रहनुहोला । रसरागमा आकर्षण बढ्नेछ भने समस्याको समाधान प्राप्त हुनेछ ।