रकम हिनामिना गरेको आरोपमा जनप्रशासन क्याम्पसमा अनिश्चितकालिन तालाबन्दी

आर्थिक अनियमितता तथा सार्वजनिक अधिकारको चरम दुरुपयोग सम्बन्धमा क्याम्पस प्रमुख र लेखा शाखाको कर्मचारी संलग्नता रहेको उनीहरूको आरोप छ ।

विद्यार्थीहरूले २० वैशाखमा विज्ञप्ति जारी गर्दै ५ बुँदे माग अघि सारेका थिए । उनीहरूले यस्तो कार्यमा संलग्न सम्पूर्ण दोषीहरूलाई छानबिन समिति बनाई निष्पक्ष छानबिन गरी कानुनी कारबाही गर्न माग गरेका थिए । तर, दुई दिनको अल्टिमेटम दिँदा समेत विद्यार्थी संगठनको संयुक्त मागप्रति क्याम्पस प्रमुख र प्रशासनको कुनै प्रतिक्रिया नआएपछि तालाबन्दी गर्नुपरेको स्वतन्त्र विद्यार्थी नेपालका अध्यक्ष नितेश बस्नेतले जानकारी दिए ।

शान्तपूर्ण तवरबाट समस्याको समाधान नखोजेको भन्दै असक्षम क्याम्पस प्रमुख र प्रशासनको गैरजिम्मेवारीपनका विरुद्ध क्याम्पस प्रमुखको कार्यकक्ष र प्रशासनमा अनिश्चित कालका लागि तालाबन्दी गरिएको उनको भनाई छ ।