कोरोना पुष्टि भएका धनुषाका थप तीनजना मध्ये दुईजना प्रहरी

जनकपुरधाम । कोरोना भाइरसको संक्रमण पुष्टि भएका धनुषाका थप तीनजना मध्ये दुईजना प्रहरी रहेको खुलेको छ।

सोमबार स्वास्थ्य तथा जनसंख्या मन्त्रालयले थप ७२ जनामा कोरोना संक्रमण पुष्टि गरेकोमा धनुषामा तीन जनामा धनुषाका थिए । जसमा दुईजना प्रहरी रहेको खुलेको हो ।

इलाका प्रहरी कार्यालय फुलगामामा कार्यरत्त प्रहरी सहायक निरीक्षक (असई) र एक जवानमा संक्रमण पुष्टि भएको धनुषाका प्रहरी प्रवक्ता प्रहरी नायव उपरीक्षक रामेश्वर कार्कीले जानकारी दिएका छन । दुवैलाई नगराईन नगरपालिका गंगुलीस्थित प्रादेशिक क्वारेन्टाइनमा खटिएका थिए ।

त्यस्तै तेस्रो संक्रमित भारतको दिल्लीबाट आएको खुलेको धनुषाका प्रमुख जिल्ला अधिकारी कोषहरि निरौलाले जानकारी दिएका छन् । तीनैजनाको जेठ ७ गते स्वाब संकलन गरिएको थियो ।