श्रावण ५, २०८२ सोमबार
July 21, 2025
युग खबर
२०८० असोज २४, बुधबार
काठमाडौंः एभरेष्ट इन्जिनिरिङ कलेजकाे आयोजनामा आज बुधबार हुने भनिएको ‘एभरेष्ट टेक फियस्टा २०२३’ स्थगित गरेको छ । पूर्वतालिका अनुसार निर्धारित कार्यक्रममा विद्यार्थी नै नआउने भएपछि कलेजले आफ्नो प्रविधि मेला स्थगित गरेको हो ।
पोखरा विश्वविद्यालयबाट सम्बन्धन प्राप्त कलेजले टेक फियस्टा कार्यक्रममा विद्यार्थीले बनाएका परियोजना, रोबोट शो, प्यानल छलफल, प्रविधि सम्बन्धी खेल लगायतका विभिन्न गतिविधि गर्ने योजना बनाएको थियो । त्यस्तै २०१७ र २०१८ मा भर्ना भएका सिभिल, कम्प्युटर र आईटी इन्जिनियरिङका विद्यार्थीहरूले बनाएका उत्कृष्ट परियोजनालाई पुरस्कृत गर्ने तालिका पनि थियो ।
तर दशैं मनाउन विद्यार्थीहरू घर गएपछि कार्यक्रम नै स्थगित गर्नुपरेको कलेजका एक प्रतिनिधिले बताए ।
अब कलेजले सोही कार्यक्रम पुस १४ गर्ने बताएको छ । इन्जिनियरिङ शिक्षामा रुचि हुने जो कोहीलाई यस कार्यक्रम उपलब्धिमूलक हुने कलेजको भनाइ छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया