श्रावण २, २०८२ शुक्रबार
July 18, 2025
युग खबर
२०८१ भाद्र ११, मंगलबार
नेपालगञ्ज । लुम्बिनी प्रदेशमा यस बर्ष पनि डेंगुको संक्रमण उच्च देखिएको छ । अघिल्ला बर्ष जस्तै यस बर्ष पनि उल्लेख्य मात्रामा डेंगुका बिरामी भेटिएका छन् । यो सिजनमा हालसम्म ३५९ जना डेंगु संक्रमित बिरामी भेटिएका छन् ।
लुम्बिनी प्रदेशमा सबैभन्दा बढी पाल्पा जिल्लामा १४७ जनामा डेंगु संक्रमण पुष्टि भएको छ । त्यसपछि रुपन्देहीमा ८४ जनामा डेंगु देखिँदा दाङमा ६८ र बाँकेमा ३० जनालाई डेंगु भएको छ । यस्तै अर्घाखाँचीमा ११, बर्दिया ८, प्युठान ६, रोल्पा ३ तथा रुकुम पूर्व र नवलपरासी पश्चिममा १/१ जनामा डेंगु पुष्टि भएको लुम्बिनी प्रदेश स्वास्थ्य निर्देशनालयले जनाएको छ ।
यस बर्ष नेपालका चार जिल्ला बाहेक सबै जिल्लामा डेंगु संक्रमित फेला परिसकेका छन् । हिमाल, पहाड र तराईका जिल्लाहरूमा निरन्तर डेंगु संक्रमित फेला परिरहँदा त्यसको नियन्त्रण चुनौती बनिरहेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया