त्रिभुवन विश्वविद्यालयले बुधबार शोक बिदा गर्ने

काठमाडौंः त्रिभुवन विश्वविद्यालयले शोक बिदा गर्ने निर्णय गरेको छ । त्रिभुवन विश्वविद्यालय सेवा आयोगका पूर्वअध्यक्ष चैतन्य शर्माको निधनमा विश्वविद्यालय बुधबार शोक बिदा गर्ने निर्णय गरेको हो ।

त्रिभुवन विश्वविद्यालय कार्यकारी परिषद्को २०७२ चैत ४ गते बसेको बैठकको निर्णय नम्बर ४०३ ले त्रिविका पदाधिकारी (पूर्वपदाधिकारी समेत)को निधनमा शोक बिदा दिने निर्णय भए बमोजिम बुधारबार शोक विदा दिने निर्णय गरेको जनाएको छ ।

शर्माको कात्तिक १६ गते भएको निधनमा शोक व्यक्त गर्दै कार्तिक २१ गते बुधाबार एक दिन त्रिभुवन विश्वविद्यालय केन्द्रीय कार्यालय लगायत त्रिविका सम्पूर्ण निकायहरू बन्द हुने जनाएको छ ।

उच्च माध्यमिक विद्यालय शिक्षा परिषद्का पूर्वउपाध्यक्ष, नेपाल प्रगतिशील प्राध्यापक संगठनका संस्थापक महासचिव, मदनभण्डारी मेमोरियल कलेजका पूर्वक्याम्पस प्रमुख समेत रहेका ७३ वर्षीय शर्माको ओम हस्पिटल चाबहिलमा उपचारका क्रममा निधन भएको थियो ।