मंग्सिर १, २०८३ मंगलबार November 17, 2026

भारतीयले उखेलेको ठोरिको सीमास्तम्भ साविककै डोबमा पुनः गाडियो

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डाैंः नेपाल-भारतको सीमामा रहेको ४३६ नम्बरको सीमा स्तम्भ पुनः गाडिएको छ । पर्साको ठोरीस्थित सीता गुफाको माथि रहेको सीमास्तम्भ शनिबार साँझ ५ बजे तिर उखेलेर फालेको अवस्वामा फेला परेको थियो । सो सीमा स्तम्भ साविककै डोबमा शनिबार राती ९ बजे पुनः गाडिएको हो ।

शनिबार दिन भरी दुरुस्त रहेको सीमा स्तम्भ साँझ ५ बजे तिर उखेलेर फालेको अवस्थामा फेला परेको ठोरीमा रहेको शसस्त्र प्रहरीको सीमा सुरक्षा बल बोर्डर आउट पोष्टका ठारीका प्रहरी निरिक्षक दिपक दहालले बताए । ‘नेपाल- भारत दुवै देशका सीमा सुरक्षा अधिकारी र ठोरी गाउँपालिकाका अध्यक्ष पीएल श्रेष्ठसहितको उपस्थितिमा राती ९ बजे साविकै ठाउँमा सीमा स्तम्भ गाडिएको हो’, उनले भने ।

पहिले गाडिएकै स्थानमा पुनः गाड्ने दुवै तर्फका सुरक्षा अधिकारी र ठोरी गाउँपालिकाका अध्यक्ष पीएल श्रेष्ठसहितको सहमति भएपछि राती ९ बजे ४३६ नम्बरको जंगे पिलर पुनः गाडियो । भारत तर्फबाट एसएसबीका सेकेन्ड इन कमाण्डेड सहितको टोली आएको थियो ।

नेपाल तर्फबाट नेपाल प्रहरी र शसस्त्र प्रहरी ठोरी गाउँपालिकाका अध्यक्ष पीएल श्रेष्ठसहितको सम्युक्त टोलीले पहिलेकै डोबमा गाड्ने सहमति गरिएपछि समस्याको समाधान गरिएयो ।

दुवै देशको माथिल्लो निकायबाट पनि घटनास्थलको अवस्था हेरी विवाद नबढाउन आएको निर्देशनलाई सहज ढंगबाट आपसी सहमतिमा किनारा लगाइयो । ३५ नम्बर लेखिएको यो पिलर पछिल्लो समयमा सीमा स्तम्भ अध्यावधिक गर्दै जाँदा ४३६ नम्बर भएको सशस्त्रका प्रहरी निरिक्षक दहालको भनाइ छ ।

सीमा स्तम्भलाई जो कोहीले सजिलै उखेल्न फाल्न नसकोस् भनी साविककोभन्दा अलि गहिरो गरि गाड्ने प्रयास भयो । तर ठोरीमा रहेको सीता गुफा रहेको पहरोको ढुंगामाथि नै डोब खन्नु पर्ने हुँदा गहिरो डोब नभएर साविककै जतिमात्र सीमास्तम्भ गाडिएको सहभागीहरुले बताए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
बिपी राजमार्ग : चौडा बनाउन पौने चार अर्बको स्रोत–प्रस्ताव
२०८३ मंग्सिर १, मंगलबार
एनपिएलः सुदूरपश्चिमलाई ६ विकेटले पराजित गर्दै लुम्बिनी फाइनलमा
२०८३ मंग्सिर १, मंगलबार
मधेसमा स्वास्थ्य सेवा प्रभावकारी बनाउन मन्त्री मेहताको अनुगमन, सुधारमा जोड
२०८३ मंग्सिर १, मंगलबार
हिमालय आँखा अस्पतालको सेवा अब व्यास नगरपालिकामा
२०८३ मंग्सिर १, मंगलबार
चालु आर्थिक वर्षको तीन महिनामा ४१ लाख मात्र राजस्व
२०८३ मंग्सिर १, मंगलबार
मन्त्री श्रेष्ठ र भारतीय राजदूत दलेलाबीच शिष्टचार भेट
२०८३ मंग्सिर १, मंगलबार
सहकारी ठगी मुद्दामा अध्यक्ष नेपालीसहित सात जनालाई कैद र जरिवाना
२०८३ मंग्सिर १, मंगलबार