स्नातकोत्तर तथा अधिस्नातक तहमा नयाँ भर्नाको फारम भर्ने म्याद थपियो (सूचना)

काठमाण्डौंः त्रिभुवन विश्वविद्यालय मानविकी तथा सामाजिक शास्त्र सङ्कायतर्फ सञ्चालित स्नातकोत्तर तथा अधिस्नातक तह (MA & PGD) को नयाँ भर्नाको लागि अनलाइन फारम भर्ने म्याद थप गरिएको छ ।

त्रिवि मानविकी तथा सामाजिक शास्त्र डीनको कार्यालय, बल्खु, काठमाडौंले एक सूचना जारी गरी अनलाइन फारम भर्ने म्याद थप गरेको जनाएको हो ।

सेमेस्टर प्रणालीमा आधारित शैक्षिक बर्ष ०८१/०८२ को अधिस्नातक (PGD) तथा स्नातकोत्तर (MA) तहका केन्द्रीय विभागहरू/क्याम्पसहरू तथा विभाग/कार्यक्रमहरूमा गर्या विद्यार्थी भर्ना कार्यक्रमका लागि अनलाइन फारम भर्ने मिति २०८१ पौष १२ सम्म रहेकोमा मिति २०८१ पौष २५ गते राती १२:०० बजेसम्म र दोब्बर दस्तुरमा पुस मसान्तकी राती १२०० बजेसम्म कायम रहने गरी प्रवेश परीक्षाआवेदन फारम भर्ने समयावधि बढाइएको  सूचनामा जनाइएको छ ।