मंग्सिर १, २०८३ मंगलबार November 17, 2026

जापानी राजदूतद्वारा कानून मन्त्री तुम्बाहाङफेसँग भेटवार्ताः आफ्ना न्यायाधीशको पक्षमा मत दिन अपिल

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः जापानले आगामी नोभेम्बर महिनामा हुने अन्तर्राष्ट्रिय न्यायालय (आईसीजे)को निर्वाचनमा जापानका तर्फबाट उम्मेदवार रहनुभएका हाल आईसीजेका बहालवाला न्यायाधीश डा. ईवासावा युजीको पक्षमा मतदान गर्न अपिल गरेको छ ।

जापान सरकारका तर्फबाट जापानी राजदूत माशामिची साइगोले सोमबार कानून, न्याय तथा संसदीय मामिला मन्त्री डा. शिवमाया तुम्बाहाङफेसँग भेट गर्दै पुनः मतदानको अपेक्षा व्यक्त गर्नुभएको हो । मन्त्री तुम्बाहाङफेले जापानको प्रस्तावलाई सकारात्मकरुपमा लिएको बताउनुभएको छ ।

राजदूत साइगोले जापान सरकारले नेपालको न्याय तथा कानूनको क्षेत्रको विकासको लागि कानूनी सल्लाहकार उपलब्ध गराएको, देवानी संहिता निर्माण प्रक्रियामा सहयोग पुर्‍याइ अनुभव आदानप्रदान गर्ने मौका पाएको जानकारी दिनुभएको थियो । उहाँले जाइकाले नेपालका न्यायाधीश, न्याय तथा कानूनका क्षेत्रका कर्मचारीहरु र अधिवक्ताहरुका लागि प्रदान गर्दै आइरहेको तालिम कोभिड-१९ का कारणले स्थगित रहेकोमा अनुकूल स्थिति भएपछि त्यस्ता तालिमका कार्यक्रमहरुलाई निरन्तरता दिने जानकारी दिनुभयो ।

भेटमा मन्त्री तुम्बाहाङफेले नेपाल र जापानको दौत्य सम्बन्ध धेरै लामो समयदेखि रहेको उल्लेख गर्दै जापान सरकारले गरेको सहयोगको लागि धन्यबाद व्यक्त गर्नुभयो । उहाँले कानून निर्माण प्रक्रियामा दुई देशबीच भएका अनुभव आदानप्रदानबाट राम्रा अभ्यासलाई आत्मसात गर्ने मौका समेत मिल्ने भएकोले यसले कानून र न्यायको क्षेत्रमा सकारात्मक प्रभाव पर्ने विश्वास व्यक्त गर्नुभयो ।

उहाँले क्याटो कङ्ग्रेसमा जापान सरकारले गरेको निमन्त्रणाका लागि धन्यवाद व्यक्त गर्दै नेपाल र जापानका सांसदहरुबीच हुने गरेका संसदीय अभ्यासको अनुभव आदानप्रदान कार्यले संसदीय प्रक्रियामा सकारात्मक प्रभाव पार्ने बताउँदै यसलाई निरन्तरता दिन सुझाव दिनुभयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
बिपी राजमार्ग : चौडा बनाउन पौने चार अर्बको स्रोत–प्रस्ताव
२०८३ मंग्सिर १, मंगलबार
एनपिएलः सुदूरपश्चिमलाई ६ विकेटले पराजित गर्दै लुम्बिनी फाइनलमा
२०८३ मंग्सिर १, मंगलबार
मधेसमा स्वास्थ्य सेवा प्रभावकारी बनाउन मन्त्री मेहताको अनुगमन, सुधारमा जोड
२०८३ मंग्सिर १, मंगलबार
हिमालय आँखा अस्पतालको सेवा अब व्यास नगरपालिकामा
२०८३ मंग्सिर १, मंगलबार
चालु आर्थिक वर्षको तीन महिनामा ४१ लाख मात्र राजस्व
२०८३ मंग्सिर १, मंगलबार
मन्त्री श्रेष्ठ र भारतीय राजदूत दलेलाबीच शिष्टचार भेट
२०८३ मंग्सिर १, मंगलबार
सहकारी ठगी मुद्दामा अध्यक्ष नेपालीसहित सात जनालाई कैद र जरिवाना
२०८३ मंग्सिर १, मंगलबार