प्रचण्डको सुरक्षामा खटिएका ६ जना सुरक्षाकर्मीमा कोरोनो सङ्क्रमण देखियो

काठमाण्डौंः सत्तारुढ नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डको सुरक्षामा खटिएका ६ जना सुरक्षाकर्मीमा कोरोनो सङ्क्रमण पुष्टि भएको छ ।

दाहालका प्रेस संयोजक विष्णु सापकोटा जुगलका अनुसार सुरक्षामा खटिएकामध्य आधा दर्जन सुरक्षाकर्मीमा संक्रमण देखिएको पुष्टि गरेका छन् । प्रचण्डको बाहिरी सुरक्षा घेरमा बस्ने प्रहरी लगायत प्रचण्डको परिवारका सदस्यको बुधबार स्वाब सङ्कलन गरी परीक्षण गर्दा ६ जना प्रहरीमा सङ्क्रमण देखिएको हो ।

अध्यक्ष प्रचण्डसँग हिँडडुल गर्ने सुरक्षाकर्मीमा भने नदेखिएको उनले बताए ।