श्रावण ६, २०८२ मंगलबार
July 22, 2025
युग खबर
२०७७ श्रावण २३, शुक्रबार
काठमाण्डौंः प्रधानमन्त्री केपी शर्मा ओलीलाई कोरोना भाइरसको संक्रमण भए नभएको परीक्षणको रिपोर्ट सार्वजनिक भएको छ । उनको नमुना परीक्षणबाट रिपोर्ट नेगेटिभ आएको हो ।
प्रधानमन्त्री ओलीका प्रेस सल्लाहकार सुर्य थापाले स्वाब परीक्षणको रिपोर्ट नेगेटिभ आएको जानकारी दिएका छन् । उनीसहित नेकपा संसदीय दलका उपनेता सुवासचन्द्र नेम्वाङ, कानुनमन्त्री डा. शिवमाया तुम्बाहाम्फे, सल्लाहकारहरु विष्णु रिमाल, डा. राजन भट्टराई, सुर्य थापा र इन्द्र भण्डारी गरी सात जनाको स्वाब लिइएकोमा सबैको रिपोर्ट नेगेटिभ आएको थापाले बताए ।
प्रधानमन्त्री ओलीको सम्पर्कमा पुगेका प्रदेश २ का मन्त्री ज्ञानेन्द्र यादवलाई कोरोना संक्रमण पत्ता लागेपछि उनीहरुको नमुना परीक्षण गरिएको थियो ।- रासस
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया