कार्तिक २२, २०८३ आइतबार
November 8, 2026
युग खबर
२०८२ बैसाख १२, शुक्रबार
काठमाडौं । पाटन संयुक्त क्याम्पसको स्वतन्त्र विद्यार्थी युनियन (स्ववियु) निर्वाचन वैशाख २० गते हुने भएको छ। क्याम्पस निर्वाचन समितिले बिहीबार सूचना जारी गर्दै नयाँ निर्वाचन मिति तय गरेको हो।
यसअघि चैत १६ गतेका लागि तोकिएको निर्वाचन अस्थगन भएपछि कानुनी प्रक्रियामा गएको थियो। पाटन उच्च अदालतमा मुद्दा दायर भएसँगै चैत २५ गते अदालतले तत्काल निर्वाचन गराउन आदेश दिएको थियो।
निर्वाचन अधिकृत छविराम बरालका अनुसार मिति निर्धारण गर्दा क्याम्पसमा क्रियाशील सबै विद्यार्थी संगठनहरूबीच सहमतिमा मिति तय गरिएको हो।
“अदालतको आदेशअनुसार हामीले प्रक्रिया अघि बढाएका छौं, सबै पक्षलाई समेट्दै निष्पक्ष निर्वाचन गराउने तयारीमा छौं,” बरालले जानकारी दिए।
स्ववियु निर्वाचनको तयारी तीव्र पारिएको र मतदाता नामावली, उम्मेदवार मनोनयनदेखि मतदान केन्द्र व्यवस्थापनसम्मका कार्यहरू क्रमशः तय हुने बरालले बताए।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया