मंग्सिर ६, २०८३ आइतबार November 22, 2026

आँखाको उपचार सेवा विस्तार गर्न ‘स्पेक्स-२०३०’ हुने

सबैका लागि आँखा उपचार सेवामा पहुँच विस्तार गर्ने सरकारको तयारी

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, १९ वैशाखः नेपालमा आँखा उपचार सेवामा पहुँच विस्तार गर्ने उद्देश्यले ‘स्पेक्स-२०३०’ कार्यक्रम सुरु हुने भएको छ । स्वास्थ्य तथा जनसङ्ख्या मन्त्रालयको सहकार्यमा विश्व स्वास्थ्य सङ्गठन (डब्लुएचओ) ले उक्त कार्यक्रम सुरु गर्न लागेको हो ।

डब्लुएचओको दृष्टि तथा आँखा स्वास्थ्य कार्यक्रमका डा स्टुअर्ट किलले पछिल्लो समय बालबालिका र युवामा टाढा वा नजिकको देख्न नसक्ने दृष्टि दोषको समाधान गर्न ‘स्पेक्स–२०३०’ कार्यक्रम महत्त्वपूर्ण हुने बताउनुभयो । उहाँले यस्ता कार्यक्रम कार्यान्वयनले विश्वव्यापी रूपमा नेपालले आँखासम्बन्धी उपचारका सम्बन्धमा गरेको प्रतिबद्धता पूरा गर्ने विश्वास व्यक्त गर्नुभयो ।

डब्लुएचओको नेपालस्थित कार्यालयका प्रमुख डा राजेश सम्भाजीराव पाण्डवले कार्यक्रमले सबै नागरिकको आँखासम्बन्धी स्वास्थ्य सेवा र चस्मामा पहुँच सुनिश्चित गर्ने बताउनुभयो ।

स्वास्थ्य मन्त्रालयको नीति, योजना तथा अनुगमन महाशाखाका प्रमुख डा कृष्णप्रसाद पौडेलले उक्त स्पेक्स कार्यक्रमले आँखा स्वास्थ्यलाई समग्र स्वास्थ्य प्रणालीको अभिन्न अङ्ग बनाउन सहयोग गर्ने बताउनुभयो । उहाँले विशेषगरी अत्यावश्यक आँखा उपचार सेवाको खाँचो परेका व्यक्तिमा कार्यक्रम केन्द्रित हुँदै सबैका लागि आँखा उपचार सेवामा पहुँच विस्तार गर्ने जानकारी दिनुभयो । उहाँले यथाशीघ्र कार्यक्रम कार्यान्वयन हुने बताउनुभयो ।

स्पेक्सको उद्देश्य दृष्टि दोष उपचार सेवामा पहुँच सुधार गर्नु, सेवा विस्तार गर्नु, सेवा प्रदान गर्न दक्ष जनशक्ति तयार गर्नु, जनतालाई दृष्टि र आँखाको स्वास्थ्यका बारेमा शिक्षित गर्नु, दृष्टि दोष उपचार सेवा, चस्माको लागत घटाउनुलगायत रहेको डब्लुएचओले जनाएको छ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
अमेरिकाबाट निष्कासित दुई महिलासहित २५ आप्रवासी लाइबेरिया पुगे
२०८३ मंग्सिर ६, आइतबार
प्रधानमन्त्री बालेन दिल्लीमा, राज्यमन्त्री जितिन प्रसादले गरे स्वागत
२०८३ मंग्सिर ६, आइतबार
प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास
२०८३ मंग्सिर ६, आइतबार
प्रधानमन्त्री शाह दुईदिने राजकीय भ्रमणका लागि भारत प्रस्थान
२०८३ मंग्सिर ६, आइतबार
Prime Minister Shah Heads to India for Talks with Narendra Modi
२०८३ मंग्सिर ६, आइतबार
एसियन राइजिङ स्टार्स प्रतियोगिता : युएईले नेपाललाई दियो १२२ रनको लक्ष्य
२०८३ मंग्सिर ६, आइतबार
नेपाल खुला विश्वविद्यालयमा भर्ना खुल्यो, MBA का लागि २.५ CGPA अनिवार्य
२०८३ मंग्सिर ६, आइतबार