एक हप्ताभित्र पाँच हजार क्षमताको आइसोलेसन कक्ष बनाइने

काठमाण्डौं- संघ, प्रदेश र काठमाडौं उपत्यका स्थानीय तहको सहकार्यमा आगामी एक हप्ताभित्र पाँच हजार क्षमताको आइसोलेसन कक्ष निर्माण गरिने भएको छ।

काठमाण्डौं कामपाका प्रमुख विद्यासुन्दर शाक्यले आज (बुधबार) एक अपिल जारी गर्दै पछिल्लो समय काठमाण्डौँ उपत्यकामा कोरोना भाइरसको सङ्क्रमण बढिरहेको भन्दै त्यसको व्यवस्थापनका लागि आइसोलेसन निर्माण गर्ने तयारी गरेको जानकारी दिएका हुन्।

अपिलमार्फत नागरिकलाई अनुरोध गर्दै प्रमुख शाक्यले नागरिककै साथ र सहयोहको कारण यस अघि गरिएको लकडान पूर्ण रुपमा सफल भएको भन्दै अबको समय थप जटील बन्दै गएकाले भीडभाड नगरी पुनः सहयोग गर्न पनि आग्रह गरेका छन्।

भीडभाडबाट नै कोररोना भाइरसको संक्रमणम बढ्ने हुनाले अत्यावश्यक कामका लागि मात्रै बाहीर निश्कन पनि अपिल गरिएको छ। रासस