नेपालमा कोरोना संक्रमणको अवस्था अहिलेको भन्दा अझ खराब हुनसक्छः डब्ल्यूएचओ

काठमाडौंः विश्व स्वास्थ्य संगठन (डब्लुएचओ)का नेपाल प्रतिनीधि डा. जोस भ्यानडिलिएरले नेपालमा कोरोना भाइरसको संक्रमण सुरुवात मात्र भएको बताएका छन् ।

स्वास्थ्य तथा जनसंख्या मन्त्रालयको नियमिति मिडिया ब्रिफिङमा मन्त्रालयका प्रवक्ता प्रा. डा. जागेश्वर गौतमसंगको कुराकानीमा उनले नेपालमा कोरोना संक्रमणको अवस्था अहिलेको भन्दा अझ् खराब हुने बताएका हुन् ।

उनले भने, ‘हाम्रो अध्ययनले नेपालमा परिस्थिति अझै नराम्रो हुनसक्ने देखाएको छ ।’ उनले भनेका छन्, ‘यो सुरुवात मात्र हो। अब निकै नै केसहरू बढ्नेवाला छ। आगामी दिन, हप्ता र महिनामा धेरै नै केसहरू देख्ने छौं। परिस्थिति अझै नराम्रो हुनेवाला छ।

कोभिड–१९ को संकटमा सरकारले मात्र सबैकुरा गर्न सक्दैन। यो लडाईंमा निजी क्षेत्रसँग हातेमालो गरेर अगाडि बढ्नुपर्छ,उनले भने । ’