कोभिड-१९ संक्रमणबाट गर्भवती महिलासहित २ जनाको मृत्यु

काठमाण्डौंः नेपालमा कोरोना भारइरस संक्रमणबाट २३ बर्षिय गर्भवती महिला सहित २ जनाको मृत्यु भएको छ । बाराको सुवर्ण गाउँपालिका–४ हर्दिया बस्ने २३ वर्षीया गर्भवती महिलाको मृत्यु भएको हो ।

संक्रमित महिलाको पेटमा ३३ हप्ताको बच्चा थियो । भदौ ८ गते नारायणी अस्पतालमा भर्ना भएकी उनलाई सास फेर्न गाह्रो भएपछि भेन्टिलेटरमा राखिएको थियो । उपचारकै क्रममा बिहीबार बिहान ६ बजे उनको मृत्यु भएको अस्पतालका डाक्टर उदय नारायण सिंहले जानकारी दिए ।

यस्तै कोरोना संक्रमणबाट ललितपुरमा थप एक जनाको मृत्यु भएको छ । मृत्यु हुनेमा ललितपुरकी ६५ वर्षीया महिला रहेकी छन् । उनको पाटन अस्पतालमा कोरोना संक्रमित उपचारका क्रममा मृत्यु भएको हो । मृतकको शव नेपाली सेनाको शब ब्यवस्थापन टोलीले व्यवस्थापन गर्ने तयारी गरेको बताईएको छ ।