मंग्सिर ६, २०८३ आइतबार November 22, 2026

गोरखामा स्क्रब टाइफसको सङ्क्रमण तीव्र रूपमा बढ्दै

स्वास्थ्य परीक्षण गराउन आउनेमध्ये दैनिक २ देखि ५ जनामा स्क्रब टाइफसको सङ्क्रमण

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं । गोरखा  जिल्लामा स्क्रब टाइफसको सङ्क्रमण तीव्र रूपमा बढ्दै गएको छ। गोरखा अस्पताल, आँपपिपल अस्पतालसहित जिल्लाका विभिन्न स्वास्थ्य संस्थामा साउनयता परीक्षण गराउन आएका १३९ जनामा स्क्रब टाइफसको सङ्क्रमण पुष्टि भएको छ।

गोरखा अस्पतालका अनुसार साउन र भदौ महिनामा मात्रै ५९ जनामा स्क्रब टाइफस देखिएको छ। साउनमा २० जना र भदौ महिनामा हालसम्म ३९ जनामा सङ्क्रमण पुष्टि भएको हो। त्यस्तै अन्य स्वास्थ्य संस्थामा साउनमा २९ जनामा देखिएको सङ्क्रमण भदौसम्म बढेर ८० पुगेको प्रदेश जनस्वास्थ्य कार्यालय गोरखाका महामारी फोकल पर्सन नारायणबाबु अर्यालले जानकारी दिनुभयो।

गोरखा अस्पतालमा स्वास्थ्य परीक्षण गराउन आउनेमध्ये दैनिक २ देखि ५ जनामा स्क्रब टाइफसको सङ्क्रमण भेटिने गरेको अस्पतालका डा. विजय शर्माले बताउनुभयो। उहाँका अनुसार बर्खाको समय भएकाले स्क्रब टाइफसका बिरामीको सङ्ख्या बढेको हो। हाल अस्पतालमा भर्ना भएका बिरामीमध्ये करिब ५० प्रतिशत स्क्रब टाइफसका बिरामी रहेको डा. शर्माले जानकारी दिनुभयो।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया