श्रावण ७, २०८२ बुधबार
July 23, 2025
युग खबर
२०७७ भाद्र १७, बुधबार
काठमाडौंः सत्तारुढ नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल प्रचण्डबीच भेटवार्ता भएको छ । बुधबार साँझ प्रधानमन्त्री एवं नेकपा अध्यक्ष ओली भेट्न अर्का अध्यक्ष दाहाल प्रधानमन्त्रीको सरकारी निवाश बालुवाटार पुगेका थिए ।
करिब डेढघण्टा भएको छलफलमा भोली बिहबिार बस्ने पार्टीको सचिवालय बैठकमा प्रस्तुत गरिने प्रतिवेदन लगायतका अन्य बिषयमा कुराकानी केन्द्रित भएको बालुवाटार श्रोतले बताएको छ ।
प्रधानमन्त्री निवास बालुवाटारमा भएको छलफलमा राष्ट्रिय सभा सदस्य वामदेव गौतमलाई बनाउने कि डा. युवराज खतिवडालाई निरन्तरता दिने लगायतका विषयमा समेत छलफल भएको बालुवाटार श्रोतको दावी छ ।
अध्यक्षद्धय बीच भएको छलफलपछि पार्टीभित्रको विवाद समाधान गर्न गठित कार्यदलले बुझाएको प्रतिवेदन र राष्ट्रियसभामा कसलाई पठाउने भन्नेबारेमा भोलि बोलाइएको सचिवालय बैठकमै छलफल गर्ने विषयमा कुराकानी भएको बालुवाटार स्रोतले बतायो । पछिल्लो समय पार्टी उपाध्यक्ष गौतमले आफू नै राष्ट्रियसभामा जाने बताएपछि प्रधानमन्त्री ओली सकसमा छन् ।
उनले अर्थमन्त्रीसमेत रहेका खतिवडालाई नै निरन्तरता दिने तयारी गरेका छन् । ओलीले गौतमलाई पनि ल्याउने र खतिवडालाई पनि निरन्तरता दिनेगरी कुनै बाटो निकाल्न सकिन्छ कि भन्ने विषयमा समेत छलफल गरेको श्रानेतले बताएको छ ।
नेकपा सचिवालय बैठक बिहीबार बिहान ११ बजे बोलाइएको छ । यसअघि भदौ १३ गते बोलाइएको सचिवालय बैठक सचिवालय सदस्यहरु आइसोलेसनमा बस्नुपर्ने भएपछि १८ गतेसम्मको लागी स्थगित गरिएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया