काठमाण्डौं उपत्यकामा शर्त सहित कुन-कुन बार कुन पसल खोल्न पाईन्छ ? जानिराखौं

काठमाण्डौंः काठमाण्डौं उपत्यकामा तीन सातादेखि जारी निषेधाज्ञा खुकुलो बनाइएको छ । तीनवटै जिल्लाका प्रमुख जिल्ला अधिकारीहरुको बैठकले भोली बिहिबार भदौ २५ गतेबाट खुकुलो पार्ने निर्णय भएको छ । अब व्यापार, व्यवसाय र उद्योग धन्दा चलाउन शर्तसहित अनुमति दिइएको छ ।

दुध, फलफुल, तरकारी, मासु विक्री वितरण दैनिक बिहान ११ बजेसम्म र बेलुका ५ बजेदेखि ७ बजेुसम्म सञ्चलान गर्न पाउने व्यवस्था मिलाएको छ । टेकअवे र अनलाइन डेलिभरी दिउसो १२ देखि बेलुका सातबजेसम्म मात्र सञ्चालन गर्न पाइनेछ । सहकारी संस्थाहरु स्वास्थ्य मापदण्ड अपनाएर बिहान ११ देखि दिउँसो ३ बजेसम्म सञ्चालन गर्न पाइनेछ ।

सपिङ मल, फेन्सी स्टोर, कपडा, जुत्ता पसल कस्मेटिक लगायतका पसलहरु मापदण्ड पालना गरेर साताको सोमबार, बुधबार र शनिबार मात्र खोल्न पाइनेछ । भाडा र भान्साजन्य साथै सोही प्रकृतिका अन्य पसलहरु साताको आइतबार, मंगलबार र शुक्रबार मात्र खोल्न सकिनेछ । फर्निचर र अटोमोवाइलसम्बन्धी पसल सातामा सोमबार र बुधबार मात्र खोल्न पाइनेछ ।

फुटपाथ, ठेला, स्टेसनरी इलेक्ट्कि, र इलेक्ट्रोनिक पसल र डिपार्टमेन्ट स्टोरहरु विहान ११ सम्म र बेलुका ४ देखि ७ बजेसम्म खोल्न सकिनेछ । त्यसैगरी स्वास्थ्य सुरक्षा मापदण्ड पालना गरी उपत्काभित्र विकास निर्माणसँग सम्बन्धित सामाग्री विक्री वितरण गर्ने पसल व्यवसाय सो का ढुवानी गर्ने सवारी साधन दिउँसो २ देखि बेलुका ७ बजेसम्म मात्र खोल्न पाइनेछ ।