मंग्सिर ३, २०८३ बिहिबार November 19, 2026

भरतपुर कभर्ड हलमा कराँते दीक्षान्त समारोह, अन्तर्राष्ट्रिय पदक विजेता प्रजिष्मा श्रेष्ठ सम्मानित

चितवन र छिमेकी जिल्लामा कराँतेको विस्तार, दीक्षान्त कार्यक्रममा खेलाडीलाई डन उपाधि प्रदान

शेयर गर्नुहोस:
फन्ट परिवर्तन गर्नुहोस: अ अ अ

भरतपुर । चितवनमा जिल्लास्तरीय सितोरियो सोवुकान कराँतेको दीक्षान्त कार्यक्रम सुरू भएको छ । नेपाल सितोरियो सोवुकान कराँते डो संघको आयोजनामा भरतपुर कभर्ड हलमा दीक्षान्त कार्यक्रम गरिएको हो ।

माघ ४ गतेसम्म चल्ने कार्यक्रमको प्रमुखअतिथि चितवन जिल्ला खेलकुद विकास समितिका अध्यक्ष राजन कार्कीले उद्घाटन गर्दै खेलाडीहरुलाई शुभकामना दिए । खेलाडीहरु दीक्षित हुनु आफैँमा एउटा उपलब्धि भएको उनको भनाइ थियो । उनले खेलाडीहरुलाई आफूले सिके–जानेका ज्ञान–सीपबाट नवप्रतिभाहरुलाई प्रेरित गर्न पनि आग्रह गरे ।

तीन दिनसम्म चल्ने दीक्षान्त समारोहमा चितवन र छिमेकी जिल्लाबाट १५० भन्दा बढी खेलाडीहरु सहभागी छन् । उनीहरुलाई खेलको नियम, आत्मरक्षासम्बन्धी प्रशिक्षण दिइनेछ । प्रशिक्षणपछि उनीहरुलाई फस्र्ट डन, सेकेन्ड डन र थर्ड डनबाट दीक्षित गरिने छ ।

उनीहरुलाई नेपाल सितोरियो सोवुकान कराँते डो संघका प्रशिक्षक सजन श्रेष्ठले मुख्य प्रशिक्षक तथा बागमती प्रदेशका अध्यक्ष सनिश श्रेष्ठ र सचिव सम्राट श्रेष्ठले सहायक प्रशिक्षकको रुपमा प्रशिक्षण दिनेछन् ।

कार्यक्रमका अध्यक्ष चितवन ग्रेडिङ समितिका संयोजक सुधीर श्रेष्ठले पछिल्लो समय चितवन र छिमेकी जिल्लामा सितोरियो सोवुकान कराँते विस्तार हुँदै गएको बताए । यो सुखद पक्ष रहेको उनको भनाइ थियो ।

यसैबीच, सोही कार्यक्रममा कराँतेकी अन्तर्राष्ट्रिय पदक विजेता प्रजिष्मा श्रेष्ठलाई नगदसहित सम्मान गरिएको छ । प्रजिष्माले अन्तर्राष्ट्रिय स्तरमा पाएको सफलताको उच्च मूल्याङ्कन गर्दै उनलाई सम्मान गरिएको संघका अध्यक्ष रफि अन्सारीले जानकारी दिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार