मंग्सिर ३, २०८३ बिहिबार November 19, 2026

साफ यु–१९ महिला फुटबल : नेपालद्वारा भुटान पराजित

नेपालले लिग चरणमा आफ्नो अन्तिम खेल बुधबार दिउँसो ३ बजे बंगलादेशसँग खेल्ने

शेयर गर्नुहोस:
फन्ट परिवर्तन गर्नुहोस: अ अ अ

पोखरा । नेपालले भुटानलाई २–१ गोलअन्तरले पराजित गरेसँगै दक्षिण एसियाली फुटबल महासंघ (साफ) यु–१९ महिला फुटबल च्याम्पियनसिपमा पहिलो जित निकालेको छ । सोमबार पोखरा रंगशालामा भएको आफ्नो दोस्रो खेलमा नेपालले भुटानलाई पराजित गरेसँगै फाइनल पुग्ने सम्भावना जिवितै राखेको हो ।

खेलको ३६ औं‌ मिनेटमा सिर्जना बडुवालले गोल गर्दै नेपाली टिमलाई अग्रता दिलाएकी थिइन् । भुटानमाथि हावी हुँदै १–० अन्तरले पहिलो हाफ टुंगाएको नेपालले ७० औं मिनेटमा गोलअन्तरले दोब्बर पा¥यो । खेलको ६९ औं मिनेटमा प्रजिता राईले विपक्षी पोस्टमा बललाई जाली चुमाएकी हुन् ।

उता, भुटानका लागि सोनम चोदेनले खेलको ८७ औं मिनेटमा गोल गरिन् । भुटानले नेपाली खेलाडीले गरेको गल्तीको फाइदा उठाउन सकेको हो । निर्धारित ९० मिनेटसम्म भुटानले गोलअन्तर घटाए पनि बराबरीसमेत खेल्न नसक्दा उपाधि होडबाट बाहिरिएको छ । किनकि पहिलो खेलसमेत भुटानले गुमाएको थियो । बंगलादेशले भुटानलाई फराकिलो १२–० गोलअन्तरले पराजित थियो ।

नेपालले पनि पहिलो खेल भारतसँग हारेको थियो । भारतले १–० गोलअन्तरले नेपाललाई पराजित गरेको हो । तर, दोस्रो खेलमा भने भारत बंगलादेशसँग पराजित भयो । सोमबार बंगलादेशी टिमले २–० अन्तरले भारतलाई हराएको थियो । खेलको २९ औं मिनेटमा बंगलादेशकी अरपिता विश्वास अरपिताले र ४० औं मिनेटमा अल्पी अक्तरले गोल गरेका हुन् ।

सोमबारको जितपछि नेपाली टोलीका प्रशिक्षक सुमन श्रेष्ठले आफ्ना खेडाडीले अझ आफूहरुले विषय लागु गर्न नसकेको बताउँछन् । उनले आफ्नो जित भए पनि खेलबाट सन्तुष्टि नभएको प्रतिक्रिया दिए ।

नेपालले लिग चरणमा आफ्नो अन्तिम खेल बुधबार दिउँसो ३ बजे बंगलादेशसँग खेल्नेछ । २ हारसँगै उपाधि होडबाट बाहिरिएको भुटानले बुधबारको भारतको सामना गर्नेछ ।

नेपालसहित भारत, बंगलादेश र भुटान गरी ४ देशले भाग लिएको च्याम्पियनमा लिग चरणको नतिजापछि शीर्ष २ टिम उपाधिका लागि प्रतिस्पर्धा गर्नेछन् । पोखरा रंगशालामा खेल हेर्न दर्शकको संख्या भने नगन्य छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार