काठमाडौं । आईसीसी टी–२० विश्वकप क्रिकेटमा पाकिस्तानले विजयी सुरुवात गरेको छ । प्रतियोगिताको उद्घाटन खेलमा पाकिस्तानले नेदरल्यान्ड्सलाई तीन विकेटले पराजित गर्दै महत्वपूर्ण दुई अंक जोडेको हो ।
नेदरल्यान्ड्सले दिएको १४८ रनको लक्ष्य पाकिस्तानले १९.३ ओभरमा सात विकेट गुमाउँदै पूरा गर्यो । लक्ष्य पछ्याउने क्रममा पाकिस्तानको सुरुवात अपेक्षाकृत कमजोर रह्यो । मध्यक्रमका ब्याट्सम्यानले जिम्मेवार प्रदर्शन गर्दै टोलीलाई जिततर्फ डोर्याएका थिए ।
नेदरल्यान्ड्सका बलरहरूले खेलभर कडा प्रतिस्पर्धा प्रस्तुत गरे पनि अन्तिम ओभरहरूमा दबाब कायम राख्न सकेनन् । पाकिस्तानले आवश्यक रन बनाएसँगै तीन विकेटको रोमाञ्चक जित हात पार्यो ।
यस जितसँगै पाकिस्तानले टी–२० विश्वकपमा आत्मविश्वासपूर्ण सुरुवात गरेको छ भने नेदरल्यान्ड्सले हारबाट प्रतियोगिता सुरु गरेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया