मंग्सिर ३, २०८३ बिहिबार November 19, 2026

टी–२० विश्वकप : वेस्ट इन्डिजले स्कटल्यान्डलाई ३५ रनले हराउदैं विजयी शुरुवात

वेस्ट इन्डिजले स्कटल्यान्डमाथि ३५ रनको सहज जित

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । टी–२० विश्वकपमा वेस्ट इन्डिजले स्कटल्यान्डलाई हराउँदै प्रतियोगितामा विजयी सुरुवात गरेको छ । भर्खरै सम्पन्न खेलमा वेस्ट इन्डिजले स्कटल्यान्डमाथि ३५ रनको सहज जित हात पारेको हो ।

१८३ रनको लक्ष्य पछ्याएको स्कटल्यान्ड १८.५ ओभरमा १४७ रनमै अलआउट भयो । उसका लागि रिचि बेरिङटनले सर्वाधिक ४२ रन बनाउँदा टम ब्रुसले ३५ रन जोडे । यस्तै, जर्ज मुन्सीले १९, मार्क वाटले १५ तथा ब्रान्डन म्याकमुलेनले १४ रन बनाए ।

स्कटल्यान्डको इनिङ ध्वस्त पार्न रोमारियो शेफर्डले ह्याट्रिकसहित ५ विकेट लिए । आजदेखि सुरु भएको प्रतियोगिताको पहिलो ह्याट्रिकमा शेफर्डले नाम दर्ता गराए । यस्तै, जेसन होल्डरले तीन तथा समर जोसेफ र गुडाकेश मोटीले एक–एक सफलता हात पारे ।

त्यसअघि टस हारेर पहिले ब्याटिङमा उत्रिएको वेस्ट इन्डिजले २० ओभरमा ५ विकेटको क्षतिमा १८२ रन जोड्यो ।

उसका लागि शिमरोन हेटमायरले विष्फोटक पारी खेले । उनले ३६ बलमा ६४ रन बनाए । उनको ब्याटबाट छ छक्का र दुई चौका निस्कियो । यस्तै, ब्रान्डन किंगले ३५, रोभमान पोवेलले २४, शाई होपले १९, शेरफेन रदरफोर्डले २६ रन जोडे ।

बलिङतर्फ स्कटल्यान्डका ब्राड्ली जेम्स कुरीले दुई तथा ओलिभर डेभिडसन, सफ्यान शरिफ र माइकल लिस्कले एक–एक विकेट लिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार