काठमाण्डौं । आइसिसि टी–२० विश्वकप अन्तर्गत आज तीन खेल हुँदैछन् । खेल तालिका अनुसार आज अफगानिस्तान, अस्ट्रेलिया, दक्षिण अफ्रिका, आयरल्यान्ड, इङल्यान्ड र वेस्ट इन्डिज बिच खेल हुनेछ ।
पहिलो खेल बिहान ११.१५ बजे अफगानिस्तान र दक्षिण अफ्रिका बिच हुनेछ । समूह डी मा रहेका यी दुई टिमको खेल भारतको अहमदाबादमा हुनेछ ।
यसैगरी दोस्रो खेल अस्ट्रेलिया र आयरल्यान्ड बिच श्रीलंकाको कोलम्बोमा हुनेछ । समूह बी मा रहेका यी दुई टिम बिचको खेल अपराह्न ३.१५ बजे सुरु हुनेछ । यस विश्वकपमा अस्ट्रेलियाको यो पहिलो खेल हो ।
तेस्रो तथा अन्तिम खेल इङल्यान्ड र वेस्ट इन्डिज बिच मुम्बईको वानखेडेमा हुनेछ । समूह सी मा रहेका यी दुई टिमको यो खेल साँझ ७.१५ बजे सुरु हुनेछ । यी दुबै टिमले एक एक खेल जितेर दुई दुई अंक जोडिसकेका छन् । एजेन्सी
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया