मंग्सिर ३, २०८३ बिहिबार November 19, 2026

इङलिश प्रिमियर लिग: म्यानचेस्टर युनाइटेड हारबाट बच्यो, टोटनह्यामको अर्को हार

बोर्नमाउथ र न्यूक्यासल यूनाइटेड विजयी भएका छन् भने चेल्सी र म्यानचेस्टर युनाइटेड बराबरीमा रोकिए

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ । इङलिश प्रिमियर लिग अन्तर्गत गएराती सम्पन्न खेलहरुमा बोर्नमाउथ र न्यूक्यासल यूनाइटेड विजयी भएका छन् भने चेल्सी र म्यानचेस्टर युनाइटेड बराबरीमा रोकिएका छन् ।

बोर्नमाउथले एभर्टनलाई २-१ ले पराजित गरेको थियो । बोर्नमाउथको जितमा रायारी र अमिन अदलीले एक एक गोल गरेका थिए भने एभर्टनका लागि लिमान एनडियले एक गोल गरेका थिए । त्यसै यस खेलमा जाक ओ ब्रायनले खेलको ६९औं मिनेटमा रातो कार्ड पाएपछि एभर्टन १० खेलाडीमा सिमित भएको थियो ।

त्यस्तै गएराती नै सम्पन्न अर्को खेलमा न्यूक्यासल युनाइटेडले टोटनह्यामलाई २-१ पराजित गरेको छ । न्यूक्यासलको जितमा मालिक थिआव र ज्याकब राम्सीले एक एक गोल गरेका थिए भने टोटनह्यामका लागि आर्ची ग्रेले एक गोल गरेका थिए ।

त्यस्तै म्यानचेस्टर युनाइटेड वेस्टह्यामसँग हारबाट बचेको छ । गएराती सम्पन्न वेस्टह्याम र म्यानचेस्टर युनाइटेड १-१ गोलको बराबरीमा रोकिएका छन् । यस खेलमा बेन्जामिन सेस्कोले खेलको ९० मिनेटपछिको इन्जुरी समयमा गोल गर्दै म्यानचेस्टर युनाइटेडलाई हारबाट बचाएका थिए । त्यसअघि वेस्टह्यामका लागि थोमस सोउसेकले एक गोल गरेका थिए ।

त्यस्तै गएराती नै सम्पन्न खेलमा चेल्सी लिड्स युनाइटेडसँग २-२ गोलको बराबरीमा रोकिएको छ । यस खेलमा चेल्सीका लागि जोआओ पेड्रो र कोल पार्मरले एक एक गोल गरेका थिए । त्यस्तै लुकास निमेचा र नोआह ओकाटोरले एक एक गोल गरेका थिए ।

यी खेलपछि म्यानचेस्टर युनाइटेडको २६ खेलमा ४५ अंक रहेको छ र चौथो स्थानमा रहेको छ । त्यस्तै चेल्सीको २६ खेलमा ४४ अंक भएको छ र लिगमा पाँचौं स्थानमा रहेको छ । त्यसैगरी बोर्नमाउथको २६ खेलमा ३७ अंक रहेको छ र लिगमा नवौं स्थानमा रहेको छ । त्यस्तै न्यूक्यासलको २६ खेलमा ३६ अंक रहेको छ र लिगमा १०औं स्थानमा रहेको छ भने लिड्स युनाइटेडको २६ खेलमा ३० अंक रहेको छ र लिगमा १५औं स्थानमा छ । त्यस्तै टोटनह्यामको २६ खेलमा २९ अंक रहेको छ भने लिगमा १६औं स्थानमा रहेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार