मंग्सिर ३, २०८३ बिहिबार November 19, 2026

विश्वकप क्रिकेटमा आज पनि तीन खेल हुँदै

आज विजयी हुने टिम छ अंक सहित सुपर आठमा पुग्ने

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं । आइसिसि टी–२० विश्वकप क्रिकेट अन्तर्गत समूह चरणका आज तीन खेल हुँदैछन् । खेल तालिका अनुसार पहिलो खेल आयरल्यान्ड र ओमान बिच हुनेछ ।

समूह बी मा रहेका यी दुई टिम पहिलो जितको खोजीमा रहने छन् । श्रीलंकाको आर प्रेमदासा रङ्गशालामा हुने यो खेल बिहान ११.१५ बजे सुरु हुनेछ । आजको खेलमा पराजित हुने टिम विश्वकपको समूह चरणबाटै विदा हुनेछ ।

यस समूहमा रहेका श्रीलंका, जिम्बाबेले चार चार अंक बटुलेका छन् भने अस्ट्रेलियाले एक खेल जितेर २ अंक बनाएको छ ।

यस समूहमा आयोजक श्रीलंकाले यस विश्वकपका दुबै खेल जितेर ४ अंक बटुलेको छ । श्रीलंकाले ओमान र आयरल्यान्डलाई पराजित गरिसकेको छ । यस्तै एक खेल खेलेको अस्ट्रेलियाको २ अंक छ । अस्ट्रेलियाले यसअघि आयरल्यान्डलाई पराजित गरेको थियो ।

दोस्रो खेल इङल्यान्ड र स्कटल्यान्ड बिच हुनेछ । भारतको कोलकाता स्थित इडेन गार्डेन्स रंगशालामा हुने यो खेल अपराह्न ३.१५ बजे सुरु हुनेछ । समूह सी मा रहेका यी दुबै टिमले एक एक खेल जितेर दुई दुई अंक बटुलेका छन् । वेस्ट इन्डिजले भने दुई खेलबाट चार अंक बटुलेर समूहको शीर्ष स्थानमा छ ।

यही समूहमा रहेको नेपाल भने इटाली र इङल्यान्डसँग पराजित हुँदै अंक विहीन छ ।

तेस्रो खेल भने दक्षिण अफ्रिका र न्युजील्यान्ड बिच हुनेछ । भारतको अहमदाबादमा हुने यो खेल साँझ ७.१५ बजे सुरु हुनेछ । आज विजयी हुने टिम छ अंक सहित सुपर आठमा पुग्नेछ ।

यस समूहका अफगानिस्तान र क्यानडा भने जितविहीन छन् भने युएईले एक खेल जितेर २ अंक बनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार