मंग्सिर १, २०८३ मंगलबार November 17, 2026

सर्वोच्चले कित्ताकाट मुद्धासँग सम्बन्धित निर्णयको सक्कल फाइल झिकायो

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः सर्वोच्च अदालतले जग्गा कित्ताकाट मुद्दासँग सम्बन्धित निर्णयको सक्कल फाइल झिकाएको छ ।

प्रधानन्यायाधीश चोलेन्द्र शम्शेर जबरा र न्यायाधीश अनिलकुमार सिन्हाको इजलाशले बिहीबार जग्गा खण्डिकरण गर्ने भूमि व्यवस्था तथा गरिबी निवारण मन्त्रालयको निर्णय कार्यान्वयनमा रोक लगाउन माग गरिएको रिटमा सक्कल फाइल मगाउने आदेश दिएको हो ।

अधिवक्ता सन्तोष भण्डारी, सुजन नेपाल र नवराज पाण्डेले मन्त्रालयलाई विपक्षी बनाएर भदौ २८ गते रिट निवेदन दर्ता गरेका थिए । भूमि व्यवस्था मन्त्रालयको भदौ १८ गते,२०७६ पुस २७ गते र २०७४ साउन २६ गतेको निर्णय र २०७४ फागुन २ को उत्प्रेषणयुक्त आदेश झिकाउने आदेश दिएको सर्वोच्च अदालतका सूचना अधिकारी देवेन्द्र अधिकारीले जानकारी दिए । मुद्दाको पेशी असोज २० गतेलाई तोकिएका अधिकारीले जानकारी दिए ।

२०७४ साउन २६ मा तत्कालिन भूमि व्यवस्था मन्त्री गोपाल दहितले जग्गा कित्ताकाट रोक्का राख्ने निर्णय गरेका थिए । दहितको निर्णयविरुद्ध अधिवक्ता जगदीश आचार्यले सर्वोच्चमा रिट हालेपछि न्यायाधीशद्वय केदारप्रसाद चालिसे र तेजबहादुर केसीले २ फागुन २०७४ मा उत्प्रेषण सहितको आदेश जारी गरेका थिए ।

२०७६ पुसमा भूमि व्यवस्था मन्त्री पद्माकुमारी अर्यालले सशर्त कित्ताकाट फुकुवा गर्नुभएको थियो । भूमि व्यवस्था मन्त्री अर्यालले भदौ १८ गते कित्ताकाट रोक्ने निर्णय खारेज गरेका थिए । त्यो तत्काल कार्यान्वयन नगर्न सर्वोच्च अदालतले भदौ २९ मा अन्तरकालिन आदेश जारी गरेको हो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एनपिएलः सुदूरपश्चिमलाई ६ विकेटले पराजित गर्दै लुम्बिनी फाइनलमा
२०८३ मंग्सिर १, मंगलबार
मधेसमा स्वास्थ्य सेवा प्रभावकारी बनाउन मन्त्री मेहताको अनुगमन, सुधारमा जोड
२०८३ मंग्सिर १, मंगलबार
हिमालय आँखा अस्पतालको सेवा अब व्यास नगरपालिकामा
२०८३ मंग्सिर १, मंगलबार
चालु आर्थिक वर्षको तीन महिनामा ४१ लाख मात्र राजस्व
२०८३ मंग्सिर १, मंगलबार
मन्त्री श्रेष्ठ र भारतीय राजदूत दलेलाबीच शिष्टचार भेट
२०८३ मंग्सिर १, मंगलबार
सहकारी ठगी मुद्दामा अध्यक्ष नेपालीसहित सात जनालाई कैद र जरिवाना
२०८३ मंग्सिर १, मंगलबार
करको दर होइन, आर्थिक गतिविधि बढाउनुपर्छ : मुख्यमन्त्री थापामगर
२०८३ मंग्सिर १, मंगलबार