विद्यालय व्यवस्थापन समितिको बैठक बोलाएर अध्यक्ष इङ्नामले गरे आत्महत्या

काठमाण्डाैंः विद्यालयका व्यवस्थापन समिति अध्यक्ष डम्बर इङ्नामले आत्महत्या गरेका छन् । आठराई गाउँपालिका–४ इवास्थित केलिङ आधारभूत विद्यालयका व्यवस्थापन समिति अध्यक्ष रहेका इङ्नामले समितिको बैठक बोलाएर आत्महत्या गरेका हुन् ।

बिहान १० ०० बजे खाना खाएर बैठक बस्न भनी घरबाट निस्किएका इङ्नाम अपराह्न २ः०० बजेसम्म बैठकमा उपस्थित नभएपछि उनलाई खोज्न स्थानीयवासी निस्किएका थिए । खोज्ने क्रममा उहाँकै घर नजिकैको महाभिर भन्ने ठाउँमा शव झुन्डिएको अवस्थामा फेला परेको वडा नं ४ का वडाध्यक्ष श्यामकुमार भट्टराईले बताउनुभयो ।

घटनास्थलको मुचुल्का गरी शव पोष्टमार्टमका विहिबार साँझ ७ः३० बजे जिल्ला अस्पताल पाँचथर पठाइएको जिल्ला प्रहरी कार्यालयका प्रहरी निरीक्षक तेजबहादुर दाहालले बताउनुभयो ।