बलात्कारीलाई मृत्युदण्डको व्यवस्था गर्न बाबुरामको प्रस्ताव

काठमाण्डौंः जनता समाजवादी पार्टीका बरिष्ठ नेता तथा पूर्व प्रधानमन्त्री डा. बाबूराम भट्टराइले बलात्कारीलाई मृत्युदण्डको सजाँय दिन प्रस्ताव गरेका छन् । सामाजिक सञ्जाल ट्वीटर मार्फत भट्टराइले यस्तो प्रस्ताव गरेका हुन् ।

कञ्चनपुरकी निर्मला पन्त र बझाङकी बालिका सम्झना बिकको बलात्कारपछि हत्या भएको घटनाका सन्दर्भमा लेख्दै उनले जुनसुकै शासन व्यवस्था आए पनि बलात्कार जस्तो जघन्य घटना नरोकिएकोले बलात्कारीलाई मृत्युदण्डको सजाँय दिने कानुन ल्याउन प्रस्ताव गरेका हुन् ।

उनले लेखेका छन्, ‘राजतन्त्रकालका नमिता-सुनितादेखि गणतन्त्रकालका निर्मला पन्त-सम्झना विकसम्मको बलात्कार-हत्या प्रकरणमा हाम्रो राज्य नै दोषी रहेको पुष्टि भइसक्यो ।’ अपराधी नपक्रने-मुद्दा ठीक नलगाउने जिम्मेवार पदाधिकारीलाई कारबाही जरुरी रहेको भन्दै उनले भनेका छन्, ‘अदालतमा छुट्टै बेन्चको स्थापना गरेर अपराधीलाई मृत्युदण्डको व्यवस्था गरौँ ।’