कार्तिक २४, २०८३ मंगलबार
November 10, 2026
युग खबर
२०८२ चैत्र २८, शनिबार
काठमाडौं । नेपाल नागरिक उड्डयन, त्रिभुवन विमानस्थल कार्यालयले सूचना जारी गर्दै एक यात्रुको बिदाइमा बढीमा तीन जनासम्म मात्र आउन भनेको छ ।
एक जना यात्रुको बिदाइमा १० जनासम्म विमानस्थल पुग्दा विमानस्थल हाताभित्र अत्यधिक भिडभाड हुने गरेको भन्दै सो कार्यालयले कम आफन्त आएर सहयोग गर्न अनुरोध गरेको हो ।
विमानस्थल प्रशासनले पटक पटक सूचना निकाल्दै यस्तो अनुरोध गर्दै आएको भएपनि त्यसको प्रभाव भने देखिएको छैन ।
अनावश्यक भीडले सुरक्षा चुनौती थपिने र स्वदेशी तथा विदेशी हवाइ यात्रुको आवागमनमा असुविधा भएको समेत विमानस्थल व्यवस्थापनले जनाएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया