आईसीसी वुमेन्स च्यालेन्ज ट्रफीमा नेपालको खराब शुरुवात, अमेरिकासँग पराजित

काठमाडौं । नेपालले रुवाण्डामा शुरु भएको आईसीसी वुमेन्स च्यालेन्ज ट्रफीमा खराब शुरुवात गरेको छ ।

शनिबार सम्पन्न खेलमा नेपाल अमेरिकासँग ४४ रनले पराजित भएको छ । अमेरिकाले दिएको १२४ रनको लक्ष्य पछाएको नेपालले २० ओभरमा ९ विकेट गुमाएर ७९ रन मात्र बनाए थियो ।  यसअघि पहिला ब्याटिंग गर्दै अमेरकाले २० ओभरमा ६ विकेट गुमाएर १२३ रन बनाएको थियो ।

यो प्रतियोगिता खेल्ने नेपाली टिममा इन्दु बर्मा (कप्तान), पुजा महतो (उपकप्तान), रुबिना क्षेत्री, बिन्दु रावल, मनिषा उपाध्याय, सम्झना खड्का, रुवि पोद्दार, कविता जोशी, कविता कुँवर, रिया शर्मा, रोमा थापा, सुमन विष्ट, अनु कडायत र रचना चौधरी रहेका छन् । त्यस्तै नेपाली टिमको मुख्य प्रशिक्षक हर्षल पाठक रहेका छन् ।

रुवाण्डा क्रिकेट संघले आयोजना गर्ने पहिलो आइसीसी महिला च्यालेन्ज ट्रफी अप्रिल १८ देखि मे २ सम्म हुदैछ । यस प्रतियोगितामा प्रतिस्पर्धा गर्ने टोलीहरूमा अमेरिका क्षेत्रबाट संयुक्त राज्य अमेरिका, एसियाबाट नेपाल, युरोपेली क्षेत्रबाट इटाली, पूर्वी एसिया-प्रशान्त क्षेत्रबाट भानुआटु र अफ्रिकाबाट आयोजक रुवान्डा रहेका छन् ।

नेपालले अर्को खेल अप्रिल १९ मा इटालीसँग अप्रिल २२ मा रुवाण्डासँग, अप्रिल २४ मा भानुआटुमा, अप्रिल २६ मा अमेरिकासँग, अप्रिल २८ मा रुवाण्डासँग, अप्रिल ३० मा भानुआटुसँग र मे १ मा इटालीसँग खेल्ने तालिका रहेको छ ।