मंग्सिर ३, २०८३ बिहिबार November 19, 2026

सिरिज कब्जा गर्ने लक्ष्यमा यूएई, बराबरीको खोजीमा नेपाल

कीर्तिपुरमा आज निर्णायक खेल, नेपाल–यूएई भिडन्त साँझ ५ बजे

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, वैशाख ८ गते । संयुक्त अरव इमिरेट्स (युएई) सँग सोमबारको खेलमा हार खेपेको नेपाललाई सिरिज जोगाउन आज युएईलाई हराउनै पर्ने दबाब छ ।

कीर्तिपुरस्थित त्रिवि मैदानमा साँझ ५ बजे सुरु हुने खेलमा बराबरी गर्नका लागि नेपाललाई जित आवश्यक छ । वर्षाले विथोलेको खेलमा सोमबार राति नेपाल युएईसँग ६ विकेटले पराजित भएको थियो ।

यता सिरिजमा १–० को अग्रता बनाएको युएई दोस्रो जित निकाल्दै सिरिज कब्जा गर्ने दाउमा छ । सोमबार नेपालले १८.५ ओभरमा आठ विकेटको क्षतिमा एक सय २२ रन बनाउँदा वर्षाले खेल रोकिएको थियो ।

वर्षापछि डकवर्थ लुइस प्रणालीअनुसार १० ओभरमा छोट्याईएको खेलमा ७८ रनको लक्ष्य पछ्याएको युएईले ८.५ ओभरमा चार विकेटको क्षतिमा लक्ष्य पूरा गरेको थियो ।

युएईका लागि कप्तान मोहम्मद वासिमले सर्वाधिक ३३ रन बनाउनुभएको थियो । यस्तै अलिशान सरर्फुले १८ र आकाशदीप नाथले अविजित १७ रन बनाउनुभयो । बलिङमा नेपालका सन्दीप लामिछानेले तीन तथा कुशल मल्लले एक विकेट लिनुभयो ।

यसअघि नेपालका लागि कप्तान दीपेन्द्रसिंह ऐरीले सर्वाधिक ३२ रन बनाउनुभएको थियो । कुशल मल्लले १७, कुशल भुर्तेलले १६, अर्जुन साउद र नन्दन यादवले १३/१३ रन बनाउनुभयो ।

बलिङमा युएईका मोहम्मद जुहेबले तीन विकेट लिनुभयो । जुनैद्ध सिद्धिकीले दुई तथा हैदर अलि र मोहम्मद अफ्रानले एक एक विकेट लिनुभयो ।

नेपालले घरेलु मैदानमै हुने आइसिसी विश्वकप लिग–२ को तयारीका लागि युएईसँग सिरिज खेलेको हो । यस सिरिजपछि नेपालले घरेलु मैदानमा वैशाख १२ देखि २२ गतेसम्म ओमान र युएई तथा वैशाख २९ देखि ८ गतेसम्म अमेरिका र स्कटल्यान्डसँग आइसिसी विश्वकप लिग–२ को सिरिज खेल्ने तय भएको छ ।

नेपाल, ओमान र युएईसम्मिलित सिरिज यसअघि अमेरिका र इरान यद्धका कारण खाडीमा देखिएइको सङ्कटाका कारण रोकिएको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार