मंग्सिर ३, २०८३ बिहिबार November 19, 2026

पोखरा महिला गोल्डकप : उद्घाटन खेलमा पुलिसको सानदार जित, फाइनलमा प्रवेश

प्रतियोगिताको विजेताले नगद पाँच लाख र उपविजेताले तीन लाख रुपियाँसहित ट्रफी र मेडल प्राप्त गर्ने

शेयर गर्नुहोस:
फन्ट परिवर्तन गर्नुहोस: अ अ अ

पोखरा, वैशाख १९ गते । देशको पर्यटकीय राजधानी पोखरामा शुक्रबारदेखि प्रथम महिला गोल्डकप फुटबल प्रतियोगिता सुरु भएको छ ।

पोखरामा पहिलो पटक आयोजना गरिएको यो स्तरको महिला फुटबल प्रतियोगिताको उद्घाटन खेलमा विभागीय टोली नेपाल पुलिस क्लबले सानदार जितसहित फाइनलमा स्थान सुरक्षित गरेको छ ।

आरएस पोखरा फुटबल क्लबको आयोजनामा पोखरा रङ्गशालामा भएको खेलमा पुलिसले आयोजक टोलीलाई ८–० को फराकिलो गोल अन्तरले पराजित गर्‍यो ।

पुलिसको एकपक्षीय जितमा राष्ट्रिय टोलीकी फरवार्ड रेखा पौडेलले उत्कृष्ट प्रदर्शन गर्दै सर्वाधिक पाँच गोल गरिन् । खेलको पाँचौँ मिनेटमा गोलको खाता खोलेकी रेखाले ३५औँ मिनेटमा ह्याट्रिक पूरा गरेकी थिइन् । नले लगत्तै ३७औँ र ६०औँ मिनेटमा थप दुई गोल गर्दै टोलीको जित सुनिश्चित गरिन् । पुलिसका लागि निर्मला विक र सहारा लिम्बूले पनि एक–एक गोल थपे भने एउटा गोल उपहारस्वरूप प्राप्त भएको थियो । खेलको १०औँ मिनेटमा निर्मलाले र ५०औँ मिनेटमा साहाराले गोल गरेका थिए । पाँच गोल गरेकी रेखा पौडेल खेलको ‘प्लेयर अफ दी म्याच’ घोषित भइन् ।

खेलको सुरुवातदेखि नै आयोजक टोलीमाथि दबाब बनाएको पुलिसले पहिलो हाफमै ५–० को अग्रता लिएको थियो । आयोजक आरएस पोखराले केही राम्रा अवसर सिर्जना गरे पनि पुलिसकी गोलरक्षक उषा नाथ बाधक बन्दा गोल फर्काउन सकेन । खेलको २३औँ मिनेटमा अनिता रानामगरको प्रहार पुलिसका डिफेन्डरले क्लियर गरिदिएका थिए भने २८औँ र २९औँ मिनेटमा भएका प्रहारलाई उषाले बचाउ गरिन् । ४०औँ मिनेटमा वर्षा ओलीले गोल गर्ने सुन्दर अवसर गुमाएकी थिइन् ।

प्रतियोगितामा आयोजक आरएस र पुलिससहित त्रिभुवन आर्मी क्लब र सङ्कटा क्लब गरी चार टोलीको सहभागिता रहेको छ । प्रतियोगिताअन्तर्गत शनिबार त्रिभुवन आर्मी क्लब र सङ्कटा क्लबबीच दोस्रो सेमिफाइनल खेल हुनेछ । उक्त खेलको विजेताले वैशाख २० गते हुने फाइनलमा उपाधिका लागि पुलिसको सामना गर्नेछ ।

प्रतियोगिताको विजेताले नगद पाँच लाख र उपविजेताले तीन लाख रुपियाँसहित ट्रफी र मेडल प्राप्त गर्नेछन् । यस्तै, विधागततर्फ उत्कृष्ट खेलाडीलाई ३० हजार तथा उत्कृष्ट गोलरक्षक र सर्वाधिक गोलकर्तालाई जनही १५ हजार रुपियाँ पुरस्कार प्रदान गरिने आयोजकले जनाएको छ । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार