मंग्सिर ३, २०८३ बिहिबार November 19, 2026

प्रथम महिला गोल्डकप फुटबल प्रतियोगिताको उपाधि नेपाल पुलिसले जित्यो

प्रतियोगितामा विधागत पुरस्कारतर्फ पनि पुलिसकै दबदबा

शेयर गर्नुहोस:
फन्ट परिवर्तन गर्नुहोस: अ अ अ

पोखरा । नेपाल पुलिस क्लबले प्रथम पोखरा महिला गोल्डकप फुटबल प्रतियोगिताको उपाधि जितेको छ । आर.एस. पोखरा फुटबल क्लबको आयोजनामा पोखरामा आज (आइतबार) भएको फाइनल खेलमा त्रिभुवन आर्मी क्लबलाई सडेन डेथमा पराजित गर्दै उपाधि सहित पुलिसले ५ लाख रुपैयाँ प्राप्त गर्‍यो ।

प्रतियोगिताको फाइनल खेलमा १० खेलाडीमा सीमित भएको आर्मीसँग निर्धारित समय ९० मिनेटमा गोल गर्न नसके पछि पुलिसले जित निकाल्न सडेन डेथको सहारा लिनु पर्‍यो । निर्धारित समयमा दुवै तर्फ गोल हुन नसके पछि खेल टाईब्रेकरमा पनि दुवै तर्फ ४—४ गोल भए पछि खेल सडेन डेथमा पुगेको हो ।

पहिलो हाफको २७ मिनेटमै आर्मी १० खेलाडीमा सीमित भएको हो । पुलिसकी निर्मला विकले बल अघि बढाउने क्रममा आर्मीकी डिफेन्डर विमला विकले डि एरिया नजिक लडाएपछि रातो कार्ड पाउनु भएको थियो । खेलमा नेपाल पुलिसकी समीक्षा घिमिरे प्लेयर अफ दि म्याच घोषित हुनुभयो ।

पुलिसकी निर्मला सर्वोत्कृष्ट

प्रतियोगितामा विधागत पुरस्कारतर्फ पनि पुलिसकै दबदबा रह्यो । पुलिसकी निर्मला विक सर्वोत्कृष्ट खेलाडी घोषित हुँदै नगद ३० हजार रुपैयाँ प्राप्त गर्नु भयो । त्यस्तै उत्कृष्ट गोलरक्षकमा पुलिसकी उषा नाथ, सर्वाधिक गोलकर्ता तर्फ रेखा पौडेल घोषित हुनुभयो । रेखाले जारी प्रतियोगितामा कुला पाँच गोल गर्नु भएको थियो । पहिलो खेलमा आयोजक विरुद्ध उनले पाँच गोल गर्नु भएको थियो । उत्कृष्ट दुवैले समान १५ हजार रुपैयाँ प्राप्त गर्नुभयो ।

अनुशासित टिमको पुरस्कार आर एस पोखरा फुटबलले प्राप्त ग¥यो । तीन दिनसम्म चलेको प्रतियोगितामा कुल चार टिमको सहभागिता रहेको थियो । प्रतियोगितामा पुलिस, आर्मीसँगै सङ्कटा र आयोजक आर.एस. पोखरा फुटबल क्लबको सहभागिता रहेको थियो । पश्चिम पृतनाका पृतनापति उपरथी भोलानाथ थापा, एसएसपी तुलबहादुर कार्की, जिल्ला खेलकुद विकास समितिका अध्यक्ष मिलन गुरुङ लगायतले पुरस्कार वितरण गर्नु भएको आयोजक संस्थाका अध्यक्ष रमेश कार्कीले बताउनु भयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार