मंग्सिर ३, २०८३ बिहिबार November 19, 2026

रत्न राज्य स्ववियुले जेठ १ गतेदेखि प्रिमियर लिगको आयोजना गर्ने

प्रतियोगितामा सहभागी हुन चाहने टोलीले १० हजार रुपैयाँ दर्ता शुल्क बुझाउनुपर्ने

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । रत्न राज्यलक्ष्मी (आरआर) क्याम्पस स्वतन्त्र विद्यार्थी युनियन (एफएसयू) ले विद्यार्थी एकता दिवसको अवसर पारेर अन्तरक्याम्पस टी–२० क्रिकेट प्रतियोगिता आयोजना गर्ने भएको छ । ‘आरआर एफएसयू प्रिमियर लिग २०२६’ नाम दिइएको प्रतियोगिता आगामी जेठ १ गतेदेखि कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा सञ्चालन हुने आयोजकले जनाएको छ । प्रतियोगितामा विभिन्न क्याम्पसका विद्यार्थी टोलीहरूले सहभागिता जनाउनेछन् ।

प्रतियोगिताको विजेता टोलीले एक लाख रुपैयाँ नगद पुरस्कार प्राप्त गर्नेछ भने उपविजेता टोलीलाई ५० हजार रुपैयाँ प्रदान गरिनेछ । साथै ‘सिरिजको सर्वोत्कृष्ट खेलाडी’, ‘सर्वोत्कृष्ट ब्याट्सम्यान’ र ‘सर्वोत्कृष्ट बलर’ लाई पनि छुट्टाछुट्टै आकर्षक पुरस्कार प्रदान गरिने आयोजकले जनाएको छ ।

एफएसयूका अनुसार प्रतियोगितामा सहभागी हुन चाहने टोलीले १० हजार रुपैयाँ दर्ता शुल्क बुझाउनुपर्नेछ । विद्यार्थीमैत्री वातावरणलाई ध्यानमा राख्दै दर्ता शुल्क न्यून र प्रोत्साहनमूलक राखिएको आयोजकको भनाइ छ ।

‘यहाँ केवल च्याम्पियनहरू मात्र उदीयमान हुन्छन्’ भन्ने नारासहित आयोजना हुन लागेको प्रतियोगिताको मुख्य उद्देश्य विद्यार्थीहरूबीच खेलकुदमार्फत आपसी एकता, अनुशासन, नेतृत्व क्षमता तथा प्रतिस्पर्धात्मक भावना विकास गर्नु रहेको बताइएको छ ।

प्रतियोगितामा सहभागी हुन इच्छुक टोलीहरूले आरआर क्याम्पस एफएसयू कार्यालयमा सम्पर्क गर्न सक्नेछन् । थप जानकारीका लागि कार्यालयमै उपस्थित हुन आयोजकले अनुरोध गरेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार