परराष्ट्रमन्त्री खनाल र भाजपाका विदेश विभाग प्रमुख चौथाईवालेबीच भेटवार्ता

काठमाडौं । परराष्ट्रमन्त्री शिशिर खनालले भारतीय जनता पार्टीको विदेश विभाग प्रमुख डा.विजय चौथाईवालेसँग भेटवार्ता गरेको छ। भारत भ्रमणमा रहेका खनालले आज चौथाईवालेसँग भेट गरेका हुन्।

भेटमा नेपाल-भारत सम्बन्धलाई अझ सुदृढ बनाउने, राजनीतिक दल–स्तरका सम्बन्ध विस्तार गर्ने तथा जनस्तरमा आपसी सम्पर्क र सम्बन्धलाई थप मजबुत बनाउने विषयमा छलफल भएको दिल्लीस्थित नेपाली दूतावासले जनाएको छ।

हिजो दिल्ली पुगेका परराष्ट्रमन्त्री खनालले भारतका राष्ट्रिय सुरक्षा सल्लाहकार अजित डोभालबीच भेटवार्ता गरेका थिए। उनले भारतीय विदेशमन्त्री जयशंकरसँग औपचारिक भेटवार्ता गर्ने कार्यक्रम तय भएको छ।