असार ९, २०८३ मंगलबार
June 23, 2026
युग खबर
२०८३ जेठ १४, बिहिबार
काठमाडौं । लायन्स इन्टरनेसनल मल्टिपल डिष्ट्रिक्ट ३२५ को आगामी लायन वर्षका लागि मल्टिपल काउन्सिल चेयरपर्सनमा केशर बहादुर भण्डारी निर्वाचित भएका छन्।
निर्वाचनमा डिष्ट्रिक्ट ३२५ एफ का लायन वर्ष २०२५/२६ का गभर्नर भण्डारीले ८ मत प्राप्त गर्दै विजयी भए। उनका प्रतिस्पर्धी डिष्ट्रिक्ट ३२५ जी का गभर्नर विधान जोशी ले ७ मत प्राप्त गरे।
यस्तै, भाईस काउन्सिल चेयरपर्सनमा डिष्ट्रिक्ट ३२५ पी का आगामी वर्षका गभर्नर सन्दिप कसौधन १० मतसहित निर्वाचित भए। उनका प्रतिस्पर्धी डिष्ट्रिक्ट ३२५ आर का प्रभाकर पण्डित ले ५ मत प्राप्त गरे।
त्यसैगरी, सचिवमा डिष्ट्रिक्ट ३२५ एम का आगामी वर्षका गभर्नर रत्न पराजुली, कोषाध्यक्षमा डिष्ट्रिक्ट ३२५ ई का आगामी वर्षका गभर्नर श्याम कुमार यादव तथा सहसचिवमा डिष्ट्रिक्ट ३२५ एचका आगामी वर्षका गभर्नर उद्धव सिलवाल निर्विरोध निर्वाचित भएका छन्।
निर्वाचन समितिका संयोजक डीआर खनालका अनुसार यस वर्ष मल्टिपल डिष्ट्रिक्ट ३२५ मा नयाँ पदका रूपमा काउन्सिल प्रवक्ता थपिएको छ। उक्त पदमा डिष्ट्रिक्ट ३२५ एल की आगामी वर्षकी डिष्ट्रिक्ट गभर्नर तारा भुषाल चयन भएकी छन्।
निर्वाचनमा सहभागी १५ वटा डिष्ट्रिक्टका आगामी वर्षका डिष्ट्रिक्ट गभर्नरहरूले भण्डारीलाई काउन्सिल चेयरपर्सनको जिम्मेवारी तथा कसौधनलाई भाईस काउन्सिल चेयरपर्सनको जिम्मेवारी दिएका हुन्। यससँगै आगामी लायन वर्षका लागि मल्टिपल डिष्ट्रिक्ट ३२५ को नेतृत्व टोली पूर्ण भएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया