काठमाण्डौंः कर्णाली प्रदेशमा देखिएको विवाद समाधानको पहलस्वरुप नेकपा शिर्ष नेतृत्व तहमा बिहीबार पनि छलफल हुदैछ । छलफलका लागि आज प्रदेश प्रदाधिकारीलाई पनि बोलाइएको छ ।
बालुवाटारस्थित प्रधानमन्त्रीको सरकारी निवासमा हुने छलफलमा कर्णाली प्रदेशका इन्चार्ज जनार्दन शर्मा, सह इन्चार्ज यामलाल कँडेल, कर्णाली प्रदेशका पार्टी अध्यक्ष गोरखबहादुर बोगटी र सचिव मायाप्रसाद शर्मा, निलम्बित प्रमुख सचेतक गुलाबजंग शाह लगायत सहभागी हुने जनाएको छ । बैठक मार्फत शिर्ष नेतृत्वको समन्वयमा प्रदेशमा देखिएको विवाद समाधानको पहल हुने बताइएको छ ।
कर्णाली प्रदेशका मुख्यमन्त्री महेन्द्रबहादुर शाहीविरुद्ध सत्तापक्षकै १८ सांसदले अविश्वासको प्रस्ताव ल्याएपछि नेकपाको विवाद चुलिएको छ । यद्यपि, केन्द्रको हस्तक्षेपछि अहिले विवाद केही साम्य भएको छ ।
अविश्वासको प्रस्तावबाट वरिष्ठ नेता माधवकुमार नेपालनिकट सांसदहरू पछि हटेका छन् । यसअघि बुधबार दुई अध्यक्ष केपी ओली र पुष्पकमल दाहाल प्रचण्डबीच प्रदेशमा देखिएको विवादबारे छलफल भएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया