भाद्र १३, २०८३ शनिबार
August 29, 2026
युग खबर
२०८३ भाद्र १३, शनिबार
काठमाडौं । नेकपाका संयोजक पुष्पकमल दाहाल ‘प्रचण्ड’ र पार्टीका वरिष्ठ नेता झलनाथ खनालबीच भेटवार्ता भएको छ । शनिबार (भदौ १३) डल्लुस्थित खनालको निवासमा दुई नेताबीच भेटवार्ता भएको हो ।
त्यसक्रममा देशको समसामयिक राजनीतिक अवस्था, वामपन्थी एकता तथा कम्युनिस्ट आन्दोलनलाई थप सुदृढ र प्रभावकारी बनाउँदै अघि बढाउने विषयमा छलफल भएको खनालको सचिवालयले जनाएको छ ।
नेपाली कम्युनिस्ट आन्दोलनका पछिल्ला अवस्था, पार्टीको संगठनात्मक तथा राजनीतिक अग्रगति, वामपन्थी शक्तिबीचको सहकार्य र एकतालाई थप मजबुत बनाउने विषयमा समेत भेटमा विचारविमर्श भएको थियो ।
मुलुकमा देखिएको पछिल्लो राजनीतिक परिस्थिति र प्राकृतिक विपद्बाट उत्पन्न समस्याका साथै विपद्को समयमा राज्य तथा पार्टीले खेल्नुपर्ने भूमिकाबारे पनि दुई नेताबीच छलफल भएको सचिवालयले जनाएको छ ।
उनीहरूबीच करिब एक घण्टा ३० मिनेट भेटवार्ता भएको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया