अक्षय कुमारको ‘सूर्यवंशी’ यसवर्ष रिलिज नहुने

काठमाण्डाैंः विश्व महामारी कोरोना भाईरस कोभिड-१९ ले बलिउडलाई नराम्रोसँग प्रभावित गर्‍यो । फिल्मको शूटिङ र रिलिज मिति पनि पोस्टपोन गर्न पर्‍यो ।

भारतमा सिनेमा घरमा पछिल्लो ६ महिनादेखि ताला लगाइएको छ । अब भने सबै चीज बिस्तारै सामान्य हुँदै जान थालेको छ । कलाकारहरु छायांकनमा जान थालेका छन् । भारत सरकारले १५ अक्टोबरबाट सिनेमा घर खोल्न दिने निर्णय गरेको छ ।

केही समय पहिले रिलायन्स इन्टरटेनमेन्टले खुलासा गरेको थियो कि, रोहित शेट्टीको फिल्म ‘सूर्यवंशी’ तिहारमा रिलिज हुनेछ । यस्तै कबीर खानको फिल्म ‘८३’ क्रिसमसमा रिलिज हुनेछ ।

तर‌, मुम्बई मिररको रिपोर्ट अनुसार अब ‘सूर्यवंशी’ सन् २०२१ मा रिलिज गरिने भएको छ । जहाँसम्म यो फिल्म जनवरीदेखि मार्चसम्मका बीचमा रिलिज हुनेछ ।