नयाँदिल्ली वायु प्रदुषित शहरको रुपमा चिनिदै

काठमाण्डौंः भारतको केन्द्रीय राजधानी रहेको नयाँदिल्ली शहरको वायु झन–झन प्रदुषित हुँदै गएको छ । शनिवार मापन गरिएको वायु गुणस्तर सूचक (एक्यूआई) मा ३४६ देखिएकाले गुणस्तरको अवस्था न्युन हुँदै गएको पाइएको हो ।

सरकारी अधिकारीहरुले नयाँदिल्लीमा शनिवारको दिन र बेलुकाको समयमा अरु बेलाभन्दा बढी वायु प्रदुषण हुने गरेको बताएका छन् । वायु प्रदुषणको अहिलेको अवस्थामा आगामी दुई दिन अझ वृद्धि हुने अधिकारीहरुले पूर्वानुमान गरेका छन् । यसअघि गत शुक्रवार ३६६ र बिहीवार ३०२ एक्यूआई मापन गरिएको थियो ।

वायु गुणस्तर सूचक शून्यदेखि ५० सम्म हुँदा राम्रो, ५१ देखि १०० सम्म हुँदा सन्तोषजनक, १०१ देखि २०० सम्म हुँदा विचारणीय वा चिन्ताजनक, २०१ देखि ३०० सम्म कमजोर, ३०१ देखि ४०० सम्म अति कमजोर र ४०१ देखि ५०० सम्म अति घातक मानिन्छ ।

हरियाना, पन्जाबसहितका अन्य क्षेत्र तथा छिमेकी मुख्य ठाउँहरुमा आगो सम्वन्धी धेरै कामहरु हुने गरेकोले नयाँदिल्लीमा पनि असर गरेको अधिकारीहरुको भनाइ छ । नयाँ दिल्ली विश्वकै धेरै प्रदुषित शहरको रुपमा चिनिदै आएको छ । प्रदुषित वायुका कारण नयाँदिल्लीको मौषम तथा जलवायु चक्रमा समेत समस्या हुने गरेको छ ।-पीटीआई