कोशी प्रदेशसभाको नवौँ अधिवेशन अन्त्य

विराटनगर । कोशी प्रदेशसभाको चालु नवौँ अधिवेशन अन्त्य भएको छ। प्रदेश प्रमुख परशुराम खापुङले नेपालको संविधानको धारा १८३ को उपधारा (२) बमोजिम प्रदेश मन्त्रिपरिषद्को सिफारिसमा अधिवेशन अन्त्य गरेका हुन्।

प्रदेश प्रमुखको कार्यालयले जारी गरेको विज्ञप्तिअनुसार २०८३ साल असोज २४ गते शनिबार राति १२ बजेदेखि लागू हुने गरी प्रदेशसभाको चालु नवौँ अधिवेशन अन्त्य गरिएको हो।

प्रदेश प्रमुखको कार्यालयका सूचना अधिकारी सम्पूर्ण थापाद्वारा जारी विज्ञप्तिमा संविधानले दिएको अधिकार प्रयोग गरी प्रदेशसभाको अधिवेशन अन्त्य गरिएको उल्लेख छ।

प्रदेश मन्त्रिपरिषद्को सिफारिसमा प्रदेश प्रमुखबाट अधिवेशन अन्त्य गर्ने निर्णय भएको हो। नेपालको संविधानको धारा १८३ को उपधारा (२) मा प्रदेश प्रमुखले प्रदेशसभाको अधिवेशन चालु नरहेको अवस्थामा बैठक बोलाउन सक्ने तथा अधिवेशन अन्त्य गर्न सक्ने व्यवस्थासम्बन्धी प्रावधान रहेको छ।

नवौँ अधिवेशन अन्त्य भएसँगै कोशी प्रदेशसभाको चालु बैठक प्रक्रिया औपचारिक रूपमा टुंगिएको छ। यद्यपि, आगामी अधिवेशन कहिले आह्वान गरिने भन्नेबारे प्रदेश सरकार वा प्रदेश प्रमुखको कार्यालयबाट थप जानकारी सार्वजनिक भएको छैन।